1. الرئيسية
  2. أطبّاء معتمدين
  3. المشافي التي نتعامل معها
  4. ألبوم الصور
  5. مكتبة الفيديو
  6. اتصل بنا

دكتورتي ريم عرنوق

           
  القائمة الرئيسية
  1. أدبيات طبية وإنسانية
  2. العلاقة بين الزوجين
  3. تغذية وفيتامينات
  4. الحمل المبكر و اضطراباته
  5. الإسقاطات والتشوهات الجنينية
  6. الحمل الطبيعي والجنين ورعاية الحامل
  7. اضطرابات الحمل والحمل المرضي
  8. المخاض الباكر والولادة الباكرة ...
  9. الأدوية خلال الحمل ...
  10. الصيام والحمل ...
  11. الولادة الطبيعية والقيصرية
  12. التوتر النفسي أثناء الحمل وبعد الولادة
  13. كل شيء عن فترة النفاس ...
  14. الوليد
  15. تحديد جنس الجنين
  16. الأمراض النسائية ـ مواضيع عامة
  17. كل شيء عن الدورة الطمثية ...
  18. سن البلوغ والمراهقة
  19. سن الثقة ( سن اليأس سابقاً )
  20. الأورام الليفية الرحمية ...
  21. كل شيء عن عنق الرحم
  22. المبيض وأمراضه وكيساته
  23. الثدي وأمراضه
  24. العقم وتأخر الإنجاب
  25. الخصوبة عند الرجل ... كل شيء عن النطاف
  26. وسائل منع الحمل
  27. إجراءات تشخصية وعلاجية في التوليد وأمراض النساء ...
  28. الإيكوغرافي الثنائي والرباعي
  تسجيل دخول المرضى
اسم المستخدم
كلمة المرور

الرئيسية > > أسئلة وأجوبة

الأسئلة والأجوبة

1

يعطيكي العافيه دكتورة انا صرلي 3سنين متزوجه وصار من سنتين حمل ونزل ومن وقتا لهلا ماعاد صار حمل ماخليت دكتور ولا دكتورة مارحت لعندا والكل يقلي امورك ممتازة ومافيني شي لا انا ولا زوجي واباضه ممتازة عندي بالاضافه اني عامله صورة ظليله وماطلع فيا شي الحمدالله طولت عليكي دكتورة و هلا دكتوري طالب مني تنظير بطن شو بتنصحيتي اعمل ومشكورة دكتورة

أنصحك بالتنظير ربما هناك بطانة رحمية هاجرة + ايكو دوبلر للزوج لنفي الدزالي
تمت الإجابة بتاريخ 4/10/2017
2

دكتورة هل فحص الثدي من قبل الدكتورة كافي لفحص هرمون الحليب او يلزم تحاليل هرمونية ؟

لا بالتأكيد غير كافي
يجب اجراء تحاليل هرمونية
تمت الإجابة بتاريخ 4/10/2017
3

دكتورة بعد إذنك إذا في ضعف بالإباضة شو أفضل الادوية اللازم ناخدا او شو لازم نعمل ليصير حمل ؟

حسب سبب ضعف الاباضة
تمت الإجابة بتاريخ 4/10/2017
4

يسعد مساكي دكتوره ريم كتير انبسطت انه رجعتيلنا وقدرنا نرجع نستفيد من خبرتك ومعلوماتك.. سؤالي هو عن تركيب اللولب بعد الولادة الأولـــى قيصيريه هل صحيح أنه مابيصير!؟ علما اني كنت امنع طبيعي قبل الحمل وحاليا مافي دورة شهرية وشو بتنصحيني بطريقة لمنع الحمل اذا كان اللولب ممنوع مشكورة كتير دكتوره

اللولب مسموح بعد القيصرية الاولى ومهما كان عدد القيصريات
تمت الإجابة بتاريخ 4/10/2017
5

مرحبا..دكتورة انا حملت مرتين وعالشهر ونص يوقف نبض الجنين ويصير اجهاض شو ممكن يكون السبب شو لازم اعمل ممكن تنصحيني

تحليل سائل منوي للزوج + تحاليل مناعية وخثرية
تمت الإجابة بتاريخ 4/10/2017
6

دكتورة بعد اذنك كيف بيتم حساب اشهر الحمل يعني لنفرض الدورة ب1 والاباضة ب14 منبلش عد من 1 الشهر اومن 14 الشهر؟

http://www.drreemarnouk.com/post.php?id=134
تمت الإجابة بتاريخ 4/10/2017
7

دكتورة بعد اذنك جاوبيني شو لازم نعمل بحالة ضعف الاباضة الله يعطيكي العافية ويقويكي

تحاليل هرمونية
تمت الإجابة بتاريخ 4/10/2017
8

دكتورة صرتي تستقبلي غير الحوامل بعيادتك واسا الموعد ع الدور او ع لانتظار او لازم يكون في موعد مسبق

حسب الوضع ... لكن المواعيد فقط للحوامل
تمت الإجابة بتاريخ 4/10/2017
9

السلام عليكم ... دكتورة بعد اذنك بدي اسألك سؤال .. أولا انا عمري ٢٨ متزوجة وام لاربع اطفال ولاداتي جميعها قيصرية واخر ولادة كانت لي منذ ٦ أشهر سؤالي منذ ولادتي وانا الاحظ بعد الدورة الشهرية باسبوعين تكون هناك افرازات احمر قاتم تميل الى السواد وتستمر من ٥ الى ٧ ايام ... وايضا اعاني احيانا من وجع في الرحم والاحظ بعض الانتفاخ هل هذا طبيعي .. وشكر لك

بالتأكيد غير طبيعي
راجعي طبيبتك
تمت الإجابة بتاريخ 4/10/2017
10

مرحبا ، لو سمحتي من شي كذا سنة كان كياس عالمبايض وتعالجت وهالفترة صار تساقط شعر راسي كتير وحب بالوجه ومارحت فحصت حالي ياترى رجعت الاكياس وهل في خطر لاني طولت؟

ممكن تكون رجعت ... لازم تعملي تحاليل هرمونية
تمت الإجابة بتاريخ 4/10/2017
11

بنت عمري 26 سنة دورتي صارت تتاخر حللت طلع الهرمون الذكري اعلى من الطبيعي وطلع عندي متلازمة تكيس المبايض .. اخدت مانع لمدة 3 شهور ووقفتو لانو عملي ضيق نفس وعلى اساس ارجع اخد نوع تاني لانو رجعت تتاخر الدورة.. وانا عندي بداية دوالي وحسيتن كترو معقول من المانع .. مو عرفانة شو اعمل بهالقصة نفسيتي تعبت كتيييير وبلش يطلعلي شعر وبر على وجي ما كان من قبل وما بدي يتطور الموضوع

بالتأكيد لازم تستمري بالمعالجة
تابعي مع طبيبتك
تمت الإجابة بتاريخ 4/10/2017
12

يعطيك العافية دكتورة

الله يعافيكي يا رب
تمت الإجابة بتاريخ 4/10/2017
13

مرحبا دكتورة .. انا عمري 17 صرلي سنتين متزوجة ولهلا عندي برود بالعلاقة ومابحس بشي وحتى اذا ضل فترة ماصار علاقة ما بدايق وبصراحة انا وزوجي مدايقين من هالشغلة كتير بصراحة حتى انا صرت حس حالي ناقصة عن غير هالبنات الله يجبر بخاطرك يارب شو اعمل انصحيني الله يخليكي

تابعي فيديو البرود الجنسي على قناتي ع اليوتيوب
تمت الإجابة بتاريخ 4/10/2017
14

مرحبادكتورةشويعني،لاشهرالسادس،ماينعرف،جنس،الطفل،هل هوقلت،خبرةمن،الطبيب؟

طبعا قلة خبرة
تمت الإجابة بتاريخ 4/10/2017
15

بعد اذنك دكتورتنا الغاليه انا حامل بأول الشهر الخامس والدكتورة قالتلي عندي دوالي بالحوض وعطتني دافلون 500 حبتين باليوم الوجع والتئل اللي عم حسو ببطني وجوانبو مو طبيعي لاعم بقدر نام عجنبي اليمين ولا اليسار ماعم برتاح ابدا الدكتورة كمان عطتني دوا كلس لان الكالسبوم عندي طلع نازل خمسة بس ودوا حديد ودوا أوميغا 369 ونافوديكسين لهلأ عم اخدو لان اذا وقفتو بترجع اللعة سؤالي اللي يكتر خيرك في

المفروض قبل ما تاخدي كل الشي تعملي تحاليل واولها واهمها فحص بول وراسب
الدوالي بالحوض يتصير بعد الشهر السابع وما بتعمل الم اطلاقا
تمت الإجابة بتاريخ 6/10/2017
16

عملت ايكو في للاسبوع 17 وقالتي الدكتورة مسكر رجليه شو ممكن يكون نوع الجنين

طيب يا بنتي شو بيعرفني انا ... ممكن اقرا الفنجان وقلك
تمت الإجابة بتاريخ 6/10/2017
17

اذا سمحتي انا اخدت حب منع مارفيلون لمدة ست اشهر تقريبا وقفته اول شهرين اجتني دورة عادية بوقتا عو٢٨ تاني شهر اجتني قبل بي ٨ ايام وبعدها على شهرين تجيني دورة ع اليوم ٣١ اعطتني دكتورة بالشهر يلي اجتني فيه قبل ٨ ايام حب انسايت ..كيف ممكن رجع دورتي منتظمة ل ٢٨ يوم وهي فحصتني قال ما عندي اي شي يمنع الحمل وقالتلي حتى انسايت منيح ليقوي اباضة بحكم حابة يجيني صبي انا اخدته بس شهرين .. عندي بنت وعمر

الافضل تاخدي تحرض اباضة + مراقبة بالايكوغرافي
تمت الإجابة بتاريخ 6/10/2017
18

يعطيكي العافية دكتورتي الغالية ...انا من اربع شهور كنت عندك مشان مشكله انقطاع خربطة دورة ..وعطيتيني دوا منظم اخده فترة ثلاث اشهروخلال هالفترة طلعتوا بنظام استقبال الحوامل فقط ..وانا خلصت الدوا ورجعت قطعتني الدورة لو سمحتي فيي ارجع تابع عندك ما ارتحت غير عندك انا حالتي مابدا متابعه دائمة وزيارات متكررة بالشهر ..ياريت توافقي ..شكرا لتعبك معنا والله يعطيكي العافية

تكرم عيونك ... نظام الحوامل سببه ضغط العمل وتخفيف الانتظار على المرضى مو مزاج
تمت الإجابة بتاريخ 6/10/2017
19

كانت تقطعني الدورة شهور واجيت لعندك عطيتيني جيستروميد وضليت اخدو شهرين وما احتني لحالها ولا مرة وهلئ من 16 يوم اجتني وغزيرة وماعم تخف ولا توقف شو الخل

تتعايني لنشوف شو السبب
تمت الإجابة بتاريخ 6/10/2017
20

مرحبا دكتورة....عمري 24ولدت قيصرية من 6شهور اول بيبي وعم رضع وعم اخد حب مانع رضاعة بس طول ايام الشهر عم شوف مشحات واحيانا بتكتر وماعم اخلص من هالشغلة شو بتنصحيني كمل بالحب او لا واذا صار جماع مع وجود مشحات عادي او لا وانا بالمانيا

خدي حبة الصبح حبة المسا بيمشي الحال
وشوفي فيديو موانع الحمل على قناتي على اليوتيوب
https://www.youtube.com/watch?v=-kl9zTH_Gm0
https://www.youtube.com/watch?v=CDC7ucPipwA
تمت الإجابة بتاريخ 6/10/2017
21

مرحبا دكتورة من بعد اذنك , انا الي متزوجة من سنتين و دورتي الشهرية كانت منتظمة و حالياً آخر ثلاث اشهر صارت تجيني كل 45يوم و زرت دكتورة و فحصتني فحص سريري حكتلي مافي شي و انا ناوية يصير حبل وماعم يصير حكتلي بكل بساطة عادي دورتك تتأخر هيك و ارجعي اعملي فحص بعد كم شهر , هالشي عادي ولا لأ تأخر الدورة الشهريةكل هالفترة ؟

لا اكيد مو عادي
لازم تعملي تحاليل هرمونية
تمت الإجابة بتاريخ 6/10/2017
22

كم حبة فوليك يلزم ع الحامل أن تأخذ باليوم

حبتان في الحمل الطبيعي و3 حبات في حال وجود سوابق اسقاطات او تشوهات جنينية او في الحمل التوأمي
تمت الإجابة بتاريخ 6/10/2017
23

ماهي مدة تأخر الحمل الطبيعية بعد الزواج

12 شهر
وبعدها يجب اجراء استقصاءات
تمت الإجابة بتاريخ 6/10/2017
24

مرحبا دكتوره متبقي للدوره الشهريه عندي اسبوع وعم اخود ادوية قولون اذا كان في حمل بيأثر على البيبي يعني لازم اوقف الادويه قبل ما يصير موعد الدوره عم اخود سباسمافيرين وامبيرازول وبنادول الاصفر

لا نهائيا ... لا شيء يؤثر على الحمل قبل تأخر الدورة لأنه لا يعتبر حمل حتى يعشش في الرحم في موعد الدورة
تمت الإجابة بتاريخ 6/10/2017
25

مسالخير .انا حملت 3 شهور ورحت عالدكتورة قالتلي انو ماعم يتحرك ولا عم ينبض عطتني حبوب تثبيت رجعت راجعتا بعد اسبوع قالتلي ميت قلتلا شو السبب طلبت تحليل حللت ماطلع بالتحليل شي وضل ببطني شهر ونص ميت ضليت اخد حبوب والحمدلله نزل بالآخر وانا لهلأ هالشي محيرني شو سبب نزولو ...وخايفه اطول لارجع احمل

طولتي لنزلتي لانك أخدتي مثبت حمل والجنين ميت
خلي زوجك يحلل
تمت الإجابة بتاريخ 7/10/2017
26

وين بلاقي الجواب على سؤالي

بقسم الاسئلة الشائعة
تمت الإجابة بتاريخ 7/10/2017
27

دكتورة انا عمري 32 سنة عندي صبي عمره 8 سنين ولدته بعملية قيصرية بسبب تديق بالحوض وهلق انا حامل وبالشهر التاسع .... دكتورة قالتلي انو مستحيل هلق انو اولد طبيعي وودكتورة تانية قالتلي بالعكس وعم تقنعني بالولادة الطبيعية ... انتي شو رأيك بهالشي .... انا محتارة كتير وخصوصي انو جوزي مصمم يجيب اكتر من ولد

اذا الحوض ضيق كيف بدك تولدي طبيعي ؟؟؟ اذا اول ولادة ولدتيها قيصرية بسبب ضيق الحوض السبب ما تغير ولسا حوضك ضيق يعني ما فيكي تولدي طبيعي
تمت الإجابة بتاريخ 7/10/2017
28

دكتورة انا معي كيس عالمبيض وحجمو 5سنت وهاد تاني شهر وعم اخد ادوية ومارح شو الحل وشو الدوا يلي لازم استخدمو اخدت حب منع هاد الشهر بس لساتو مارح وسؤال تاني انا عندي مرتفع هرمون الحليب اخدت دوا لمدة شهر ورجعت حللت بعد ماخلص دوا طلع مرتفع اكتر من قبل شو لازم اخد دوا المنيح ولا دكتور او دكتورة عم تعطيني دوا وعم استفيد عليه بركي منك بستفيد ياريت تردي ع سؤالي ❤

راقبي الكيسة ل 3 اشهر اذا ما راحت ولا صغر حجمها معناها مانها كيسة وظيفية وبحاجة لاستقصاءات
تمت الإجابة بتاريخ 7/10/2017
29

مرحبا ، عم يهر شعر راسي كتيرر وحبوب بالوجه ومن كم سنة كان معي كياس عالمبايض وتعالجت بس هلق مابعرف لسى مافحصت حالي من وقت طويل خايفة يكون كياس لان نفس الاعراض هل في خطورة ؟؟؟؟

لا اكيد مافي خطورة بس انتي بحاجة لتحاليل هرمونية
تمت الإجابة بتاريخ 7/10/2017
30

لو سمحتي انا عندي افرازات مافني عالجن بالبيت و بدون ما تشوفني دكتورة

ممكن تاخدي تحاميل ميكوبوجيل
تمت الإجابة بتاريخ 7/10/2017
31

الحليب في الصدر علما تمت معالجته اكثر من مرة بحبوب البرغولين ويروح وبعد شهرين تلاته بيرجع شو السبب دكتورة والعلاج مع الشكر والاحترام

المفروض تعملي تحليل برولاكتين الدم اثناء الدورة
في حال ارتفاعه بشكل دائم ومعاود لازم تراجعي طبيب وتعملي صورة للغدة النخامية
تمت الإجابة بتاريخ 7/10/2017
32

كتبتلي الدورا بروجيلتون لتنظبم الدورة لمدة 21 يوم أخذت من خامس يوم بالدورة لمدة 11 يوم وأجت الدورة شو السبب وهل اكمل الدواء ام لا

وقفيه طبعا
تمت الإجابة بتاريخ 7/10/2017
33

دكتورة اذا بدي راقب الاباضة بتيست مشان الحمل بذكر ايمت لازم يصير الجماع وقت يطلع الوجه المبتسم او بعد بفترة او تاني يوم

بعد 28 ـ 30 ساعة من ايجابية التيست
تمت الإجابة بتاريخ 7/10/2017
34

الحمد الله انو رجعتيلنا دكتورة فقدناكي كتير عالفيسبوك ولمواضيعك المهمة وروحك الحلوة بس بدّي اعرف ازا سالت سؤال بيبين هويتي على الموقع وكيف بدّي اعرف انك جاوبني عالسوال عندي سؤال حرج شوي حبيت اعرف قبل ماسال

حبيبة قلبي اسمك ما بيظهر , وبتلاقي الجواب بالموقع ـ قسم الاسئلة الشائعة
تمت الإجابة بتاريخ 7/10/2017
35

يالللله دكتورة اشقد اشتقنالك واالله كل يوم وانا عم استنا انو تساوي الصفحة وترجعي من كل قلبي بهنيكي وانشالله لنجاح اكبر يارب

حبيبة قلبي تسلميلي يا رب
تمت الإجابة بتاريخ 7/10/2017
36

دكتورة تحليل الزوج العدد مليون وضعف حركة عندي طفلة عمرها ٤ س ومامنعت ابدا ولهلق ماصار حمل شوممكن يتعالج غيرطفل الانبوب وسؤال اديه نسبة نجاح العملية انا برا سوريا

المفروض قبل طفل الانبوب نكتشف السبب اللي وصل زوجك بلهالوضع
الصور والتحاليل الهرمونية
تمت الإجابة بتاريخ 7/10/2017
37

لو سمحتي انا عندي بنوتة وبدي احمل بصبي ان اذن لي ربي وبدي اخد بالاسباب كلها بقدر زورك بالعيادة لتساعديني انا كتير بحبك وصحي بدي اسالك الجدول الصيني صحيح ولا خرافة؟

الجدول الصيني خرافة ودجل ... واذا بتحبي تراجعيني بالعيادة اهلا وسهلا
تمت الإجابة بتاريخ 7/10/2017
38

يعطيكي العافيه احلى دكتوره حابا اسألك عن اسم الغسول الحمضي اوالخل بالانكليزي انا عايشه بكندا وحابه ان الله راد جيب بنت وبدي استعملو قبل الجماع وسؤال تاني شو مصداقية الجدول الصيني على حسب عمري التلات شهور مكتوب انو ولد هل له مصداقيه ولا خرافه وشكرا كتير كتير

vingear douche
femme douche
تمت الإجابة بتاريخ 7/10/2017
39

دكتورتي انا حامل بشهر تاسع صرلي يومين بتاسع بس التلي دكتورة انو لولد مقعدي وعنق لرحم مسكر شو بتنصحيني اعمل ليتوجه لبيبي لانو هاد اول حمل الي ومو حابة تكون قيصرية وشكرا كتير الك ❤

الافضل تنامي على جنبك المعاكس لجهة ظهر الجنين , مثلا اذا ظهر الجنين للايسر نامي على جنبك اليمين
تمت الإجابة بتاريخ 7/10/2017
40

دكتورة يعطيكي الف عافيه انا تزوجت وبعد سنتين صار حمل توأم ثلاثي صبين وبنت طبعا بعد ابرتحريض وصار عند ولاده مبكرة باول 5ايام من الشهر السابع وصار ولادة طبيعيه طبعا الاطفال دخلو غرفه الانعاش وماكفو توفوا وبعد سنتين رحت عالدكتور طلب راقبني شهرين ماصار حمل طلب صورة ظليله طلع في التهاب بسيط بالبوق الايسر اخدت دوا وبعد شهر حملت استمر الحمل شهر ونص واجهشت وهلا الي 4شهر ماصار حمل حبيت اسالك

تحليل سائل منوي للزوج
تمت الإجابة بتاريخ 7/10/2017
41

دكتورة لو سمحتي انا برا البلد وصعبة كتيى المراقبة عند دكتورة للحمل بولد .. دورتي كل 26 او 27 يوم اي ابام بتنصحيني فيها ؟ وان شاء الله رح استخدم غسول البيكربونات بس بدي اعرف الايام الانسب وشكرا كتير الك

الايام 12 و13 بس نسبة نجاخ الطريقة بلا مراقبة بالايكو حوالي 60% فقط
تمت الإجابة بتاريخ 7/10/2017
42

دكتوره انا حامل باقي اسبوعين وبصير ٣ شهور طلع الكيس فاضي يعني حمل وهمي سؤالي بينزل الكيس لحالو ع ٣ شهور كتير هيك عم يحكولي ولا لازم تحاميل وتنظيف وهل وجود الكيس بيعمل ضرر ارحم

هاد اسمو بيضة رائقة يعني حمل ضعيف , اما الحمل الوهمي فهو عدم حدوث حمل وانقطاع الدورة بسبب نفسي
وطبعا لا يجب ترك كيس حمل داخل الرحم أكثر من اسبوع
http://www.drreemarnouk.com/post.php?id=144
تمت الإجابة بتاريخ 7/10/2017
43

مسا الخير دكتورة.. انا متزوجة وعمري ٢٣.. دورتي كانت طبيعية ولكن من فترة ستة اشهر اضطربت حيث اصبحت تأتي بالبدايه بلون بني لمدة يومين او ثلاثه ثم تأتي بشكل طبيعي واثناء الدورة الاحظ تخثرات .. اجريت تحليل برولاكتين قبل الدورة بيوم وكانت نسبته ١٧.. فما المشكلة ؟؟ وانا اريد الحمل

ضعف إباضة بسيط
تمت الإجابة بتاريخ 7/10/2017
44

صباح الخير دكتورة.. أول شي مبروك الموقع والحمدلله رجعتيلنا بالسلامه... الله يوفقك أنا حامل بالشهر السادس من شهر بلشت تتغير المفرزات عندي عملت مسحه وطلع معي جرثومه ممكن توصل لميه الجنين يمكن اسمها Staphylococcus haemolyticus وصفولي دوا ازيترومايسين 500 6 حبات ل 6 ايام وهي رابع يوم بالدوا وما حسيت انو تغير لون المفرزات وكمان في ألم قليل بالمهبل بحس فيه خلال الجماع ما بعرف يا ترى الوضع عادي ولا لازم أقل

خدي اوكمنتين 1000 + تحاميل نسائية ميكوبوجيل
وعيدي الكورس شهريا
تمت الإجابة بتاريخ 7/10/2017
45

دكتورة لو سمحتي عندي 5اجهاضات متكررة بعد انجابي ل3بنات وانا بمصر وعملت تحاليل كتير كيف بقدر اتوصل معك وابعتلك صور التحاليل ومشكورة كتييير

بس تجي لسوريا راجعيني ... المشكلة على الاغلب بالنطاف
تحليل سائل منوي + ايكو دوبلر للخصيتين
تمت الإجابة بتاريخ 7/10/2017
46

ما هو سبب الغازات المهبلية ؟؟هل هو دليل على التوسع مع العلم أني أم لطفلين بولادة طبيعية

على الاغلب توسع مهبلي
هناك تمارين خاصة لاعادة المهبل لوضعه الطبيعي
تمت الإجابة بتاريخ 7/10/2017
47

لو سمحتي دكتورة انا ولدت من اربعين يوم ومن عشر ايام بدات حب منع سيرازيت ووقت بدات في كنت مخلصة نفاس بعد ماشربتو بستة ايام بدا ينزل علي دم قوي متل لدورة واكتر ووقفتو من يومين الدوا هوي لسبب ولا في شي تاني

على الاغلب تعب بسيط بالرحم ... ارجعي للمانع حبة صباحا حبة مسا
تمت الإجابة بتاريخ 7/10/2017
48

دكتورة انا زوجي حابب انو جيب صبي انو نتيجتو اكبر بانجاب الصبي الحقن المجهري او طفل الانبوب

الحقن المجهري لا يرفع فرص الحمل بذكر
طفل الانبوب مع تحديد الجنس
تمت الإجابة بتاريخ 7/10/2017
49

كم مدة علاج مبيض متعددالكيسات وهل يمكن ان يحصل حمل دون تناول المنشطات رجاء دكتورة ساعديني اريد الحمل ولم تقبل دكتورتي باعطائي مقويات لتبويض لانها تزيد التكيس فماذا علي ان افعل؟؟

على العكس تماما ... مقويات الاباضة هي الدواء الأكثر فعالية للتخلص من المبيض متعدد الكيسات
المبيض متعدد الكيسات هو بويضات لم تنمو بسبب ضعفها بينما كيسات المبيض هي بويضات نمت وكبرت ولكنها لم تنفجر واستمرت بالنمو
تمت الإجابة بتاريخ 7/10/2017
50

هل هناك طرق طبيعية لزيادة فرص الحمل بتوأم اذا لم يكن يوجد عامل وراثي وهل نستطيع تحديد جنسهم وشكرا

لا يوجد طرق طبيعية
الحل تحريض + مراقبة اباضة
تمت الإجابة بتاريخ 7/10/2017
51

دكتورة انا رح اولد قيصرية الدكتور حددلي موعد الولادة في الاسبوع 37 هل صحيح ولا بكير

بالتأكيد بكير
تمت الإجابة بتاريخ 7/10/2017
52

ماهو اسباب قلة ايام الدورة وعدم انتظامها

ضعف الاباضة
تمت الإجابة بتاريخ 7/10/2017
53

صباح الخير دكتورة عندالدورة عم تتأخر عن موعدها مي منتظمة وعم تحبني اقل من قبل كنت انضف عالستة ايام هلق عم انضف عالخمسة وهل المنيع الطبيعي بيأثر هليها

هاد امر طبيعي انو تخف الدورة مع الوقت
والمنع الطبيعي ما بيأثر على الدورة
تمت الإجابة بتاريخ 7/10/2017
54

السلام عليكم كيفك دكتورة دكتورة انا من شهرين ولدت على 33 يوم اجاني متل الدورة معقول يكون ردة نفاس او دورة وهلق ما اجتني مرة تانيه مع انو البيبي توفى او معقول يكون في حمل يا ريت تفيديني

لا لسا بكير ع الحمل
ممكن يكون هرمون الحليب لسا مرتفع عندك وعم يخربطلك الدورة
تمت الإجابة بتاريخ 7/10/2017
55

السلام عليكم ورحمة الله دكتورة انا صرلي سنتين متزوجة وحصل حمل اول سنه زواج واجهضت كان الحمل ببدايته وبعد سنه رجع صار حمل لحاله وضل الحمل لل 12 اسبوع وبعدا مات الجنين وعملت كورتاج وصرلي 25 يوم عاملتو ولهلق في نغزات بالرحم والمهبل وعالايكو طلع الرحم طبيعي والحمدلله وسؤال متى بحسن ارجع احمل في داعي امنع ولا لأ ما بيأثر اذا صار حمل بعد اول دورة من الإجهاض وشكرا كتير عمري 20 سنه

اذا ما عرفتي سبب الاجهاضات وموت الجنين ما بيصير تحملي
تمت الإجابة بتاريخ 8/10/2017
56

مرحبا يا احلا دكتورة بدي اسأل عن شو افضل الادوية بحالة الالتهابات في افرازات مع رائحة والم خفيف بالجماع لان كل دكتور بيوصف شي وشي وطني وشي اجنبي شو بتنصحينا

معالجة الك ولزوجك + حقن اللبن
شوفي هالرابط
http://www.drreemarnouk.com/post.php?id=82
تمت الإجابة بتاريخ 8/10/2017
57

كيف احمل بطفل ذكر

تابعي فيديو تحديد الجنس على قناتي على اليوتيوب
تمت الإجابة بتاريخ 8/10/2017
58

دكتوتي الغالية :انا حملت اول مرة وكان حملي طبيعي ومافيو اي صعوبات لكن بالحمل الثاني ولدت بالشهر الخامس ونزلت البت عايشة وبعد دقائق ماتت وبالحمل الثالث حملت بتوأم وساويت تطويق وع أخر السادس كمان بلشت انزف وبعد كم يوم فكولي التطةيق وولدت كمان عاشو 3 ايام ومتو . شو اعمل شو السبب مع العلم عند بنت وحابة اجيب اخ الها بسبب صعوبة حملي ؟ افيديني الله يبارك فيكي ويجزيكي كل الخير

المفروض مع التطويق تاخدي ادوية موقفة للمخاض من الشهر الخامس حتى فك التطويق
تمت الإجابة بتاريخ 8/10/2017
59

أنا بعاني من تكيس المبايض بس دورتي كانت منتظمة بتجيني ع اليوم 30 صرلها هلأ 3 شهور عم تتأخر عليي الشهر الماضي وصفتلي للدكتورة نوركلوت لحتى اجتني وهالشهر صرلا أسبوع متأخرة عليي وله لأ ما أجابني شو بتنصحيني أعمل وهل الحليب بالثدي بسبب تأخر الدورة

الحليب بالثدي يحتاج لتحاليل هرمونية للتأكد من ارتفاع مستوى البرزلاكتين بالدم
وضعك بشكل عام يحتاج لتحاليل هرمونية
تمت الإجابة بتاريخ 9/10/2017
60

دكتورة انا الدورة قطعتني من زمان واخدت دوا صارت تجي عليه بعدين ما عادت اجت اخدت بروجيلتون صارت تجي عملت تحليلي هرمونات من سنتين تقريبا طلع معي خلل هرمونات بس مع كل العلاج اللي انوصف ما استفدت شي وانا متزوجة من 3 سنين و شوي ولهلا. ما صار حمل وداق خلقي من روحة الدكاترة لانن كانوا ياخدوني ويجيبوني عالفاضي وعلى قولة كرري الدوا وعالاغلب متل ما قرات المعلومات اللي حضرتك منزلتيها عندي ارتفاع

حبيبة قلبي السؤال الطويل ما بينزل كله وما فهمت عندك ارتفاع بشو
تمت الإجابة بتاريخ 9/10/2017
61

دكتورة انا بعاني من مبيض متعدد الكيسات وزوجي معو ضعف بالحركة وعدد النطاف و اول ولد حبلت فيه بعملية طفل أنبوب هل ممكن أحبل مرة تانية طبيعي ولا حصرا بعملية طفل انابيب

حسب وضعك وتحاليلك وعمرك
تمت الإجابة بتاريخ 9/10/2017
62

يعطيكي العافية دكتورتنا انا ليديا مقيمة بهولندا عمري 28 سنة و الي سنتين مجوزة و ما صار حمل فحصونا و قال كلو طبيعي و تركونا ست اشهر نحاول لحالنا و ما مشي الحال هلق عملولي حقن سائل بعد تفجير بويضة و عطوني مقوي اباضة لازم استعملو هالشهر بس لسا ما اجتني الدورة و ما بعرف ازا حامل او لاء عملت فحص منزلي من كم يوم ما بين منتظرة ليصيروا عشر ايام تاخير و بحلل لانو اساسا اباضتي تاخرت هالشهر فبجوز ت

عملي تحليل هرمنون الحمل بالدم
تمت الإجابة بتاريخ 9/10/2017
63

انا في الشهر السابع عملت ايكو رباعي قال لي الطبيب الجنين انثى ومن ثم قال لا ممكن ذكر ومرة اخرة قال انثى ف ضهرت الاشفار هل ممكن ان يكون ذكر والخصيتين لم تظهر بعد

الايكو الرباعي مو هو اللي بيظهر جنس الجنين
الايكو الثنائي اوضح وممكن يكون صبي
تمت الإجابة بتاريخ 9/10/2017
64

دكتورتي العزيزة الله يقويكي انا ولدت من 5 اشهر الولد الرابع وبعد شهرين بدات اشرب حب تمنيع اسمو cerrezet وقطعتني الدورة نهائيا مع انه بطبيعتي مابتراضعني بس هالمرة هيك شو اعمل؟ اقطع الحب لتجيني الدورة الا استمر عليه وبتجي لحالا؟؟؟ والله لايضرك ويبعد عنك كل الاذى.......

لا ابدا لا تقطعي الحب
مع الحبوب البسيطة للمرضعات اللي عم تستخدميها طبيعي ما تجي الدورة
تمت الإجابة بتاريخ 9/10/2017
65

دكتورتي الغالية عندي مشكلة بالعلاقة مع زوجي عمري 29 سنة والاحساس ميت عندي ساعديني شو الحل ربي يحفظك من كل شر

شاهدي فيديو البرود الجنسي على قناتي على اليوتيوب
تمت الإجابة بتاريخ 9/10/2017
66

اناعمري ٣٩ وعندي أولاد ١٤ عام و١٢ و٨ ولاداتي كانت قيصيرية الآن أنا حامل ببداية الشهر السادس كانت آخر دورة شهرية ٢٦نيسان أشعر بانتفاخ الاطراف من شهر واحيانا تنميل بكف الايسر واذا كنت نايمة على الجهة اليسرى أشعر بتنمل الكف الايمن ضغطي العالي ١٣ و المنخفض ٩ في أغلب الاحيان و لون البول اصفر والآن توجد عندي اعراض جديدة وهي اشعر بأغلب الاوقات بحكة في ساقين من الركبة للقدم ولكن لا يوجد احم

عملي تحليل بروتينات البول
التنميل بيديك قد يكون تناذر النفق الرسغي
تمت الإجابة بتاريخ 9/10/2017
67

دكتورة انا بالشهر التاسع حاليا ومن الشهر الخامس عم عاني من الم برجلي اليسار منطقة الفخد وبالسابع انتقل الالم للفخد الأيمن وهلى صار الالم بالركبتين يعني عم يتحول من مكان لمكان بس الالم كتير قوي انا صرلي ٤ شهور شبه مقعدة زرت دكتور عظمية قلي مشكلتي بالأعصاب ومابقدر يعطيني دوا لاولد وبعد كم يوم رح يعملولي قيسرية بدي اسئلك لازم اتخدر قطني ولا عام واذا في خطر علي ممكن اعرف شو هو و ايمت بروح

عملتي تحليل فيتامين د وكالسيوم ؟؟؟ ممكن جدا يكون عندك نقص كالسيوم بالعظام
التخدير حسب رأي طبيبك المخدر
تمت الإجابة بتاريخ 9/10/2017
68

دكتورتنا الحلوة هل ازا صار حمل بعد اخد مانع الحمل الاسعافي يعمل تشوهات لا سمح الله للجنين ؟؟ انا سألتك مبارح عن الحمل هل ممكن يصير قبل الدورة ب١٠ ايام انا اخدت مانع حمل اسعافي بعد الجماع تأخرت يوم عليي والتيست سلبي

لا ما بيشوه ابدا لانو ما بيوصل اصلا للبيضة الملقحة
تمت الإجابة بتاريخ 9/10/2017
69

انا الي 9 شهور متجوزة ومن فترة طلع عندي هرمون الحليب مرتفع واخدت كورس دوا وخلص وكانت دورتي غير منتظمة بس انتظمت الحمدلله المهم انا ماعرفت ايمتا موعد الاباضة عندي ...جوزي عندو نقص بالحيوانات ممكن يصير حمل قبل ما يخلص الدوا ..شكرا

ممكن جدا
تمت الإجابة بتاريخ 9/10/2017
70

دكتورة انا مريضتك معي جرثومة غرفة العمليات ومعي مشاكل بولية قلتلي ضعف مناعة والي تقريبا ٤ شهور عم اشرب فيتامين أنا هلأ حسيت بشوية تحسن بس شي بسيط وقت بنسى اشرب مي بصير معي حرقة شو لازم اعمل هلأ دكتورتي وشكرا نورتي

هلا وغلا
اشربي سؤال بكمية كبيرة
تمت الإجابة بتاريخ 9/10/2017
71

دطتور من بعد اذنك انا ولدت قيصيرية وبنتي عمرها تلت اشهر وهلق رح تصير بالاربعه مااجتني الدورة هالشي طبيعي وسؤال تاني انا بطني لساتو واضح شو في اعمل حتى اقدر رجعو متل ماكان مع العلم بعد خمس ايام من القيصيرية ماكان باين متل هلق وجزاكي الله خيرا دكتورتنا

طبيعي ما تجي الدورة لانك عم ترضعي
بطنك عم يكبر بسبب تركم الشحوم
عملي رياضة
تمت الإجابة بتاريخ 9/10/2017
72

يعطيك العافية دكتوره انا مغتربه في بريطانيا متزوجه عندي بنتين واحاول أن أحمل بصبي. ماهي الخطوات التي يجب أن اتبعها لانجاب ذكر بإذن الله تعالى

مراقبة اباضة بتيست الاباضة من الصيدلية + جماع بعد 30 ساعة من التيست الايجابي + حقنة بيكربونات من الصيدلية قبل الجماع ب 10 دقائق
تمت الإجابة بتاريخ 9/10/2017
73

ممكن دكتورة تعطينا طرق لتسريع الولادة انا بالأسبوع 39 و لسا ماولدت وهاد اول بطن وكل جسمي عم يجعني

مشي + جماع
شوفي هالمنشور على موقعي
http://www.drreemarnouk.com/post.php?id=218
تمت الإجابة بتاريخ 9/10/2017
74

دكتورة انا عندي مبيض متعدد الكيسات ودورتي كانت منتظمة بس من 3 شهور صايرة عم تتأخر عليي أسبوع -10 ايام وعم لا حظ انو في حليب بالثدي هل الحليب بسبب تاخر في الدورة

ايه ممكن
عملي تحليل برولاكتين بالدورة
تمت الإجابة بتاريخ 9/10/2017
75

السلام عليكم دكتورة انا رحت لعند دكتورة قام فحصتني وقالتلي بدي كوي عنق الرحم لانو عندي تضخم وهاد الشي مابيخليني احبل واجتني الدورة بعد عشر ايام من الكوي بس بوقتها يوم واحد متل النزيف وبعدها ماعاد اجتني ابدا رحت بعد فترة فحصت طلعت حامل من قبل الكوي ياترى الكوي بيضر او بيأسر عالجنين

لا اله الا الله
ان شالله ما بيأثر
الكي غلط غلط غلط
تمت الإجابة بتاريخ 9/10/2017
76

دكتورة انا ايلي ولدانه اربع اشهر ونص. وبرضع طبيعي وصناعي ودورتي ايلها شهرين منتظمة الحمدلله. سؤالي انو فيني اعمل مانع عالايام يعني بإيام الاباضه انو امنع وبغير ايام الاباضه ما امنع بهالحاله ممكن يصير حمل ولا لااا؟؟انا ولدانه قيصري وسبب ولادتي انو نشفت مي الجنين نهائي ورحت قيصريه اسعافيه

الاباضة ما بتنتظم لبعد الفطام
ممكن يصير حمل اذا منعتي على فترة الاباضة وانتي عم ترضعي
تمت الإجابة بتاريخ 10/10/2017
77

يعطيكي العافية. دكتورة أثناء الدورة بيجيني وجع بالحالب اليسار مع تدفق غزير وخثرات بعض الأحيان كبيرة. شوممكن يكون السبب

انتي بحاجة لايكوغرافي
ممكن يكون عندك كيسة بالمبيض الايسر مخربطة الهرمونات
تمت الإجابة بتاريخ 10/10/2017
78

السلام عليكم دكتورة يعطيكي العافية يارب بدي اسألك من بعد اذنك انا جبت ولدين طبيعي وجسمي كلو شعر وبيطلعلي بوجهي شعر اسود متل رجال كيف بدي اتخلص منو مع اني رحت ع دكتورة قالتلي مافي تكييس ع المبايض هي فحصت بايكو قديم وماعمتجيني دورة لان عمرضع صرلي سنة ونفسيتي كتير صايرة تعباني بعصب وبضوج من لاشي

اكيد ما عندك مبيض متعدد الكيسات لانك عم ترضعي ومافي اباضة
ما ممكن تعالجي الشعرانية لبعد الفطام لانو الادوية بتفرز بالحليب
تمت الإجابة بتاريخ 10/10/2017
79

دكتورة انا عملت ايكو تفصيلي تبع الاسبوع ٢٢ من فترة اسبوع تقريبا ، الريبورت طلع كلو سليم و المقاسات سليمة ومافي اي ملاحظات إلا نقطة بيضاء صغيرة ( ٢ مم ) عالقلب من جهتو اليسار ، طبعا انا خفت كتير لان قريت انها من علامات متلازمة داون ، علما انو طبيبتي اكدتلي انو النقطة سليمة و بتزول لحالا بعد اسبوعين و علما كمان انو انا عمري ٣١ و عاملة فحص سماكة الرقبة بالاسبوع ١٣ و النتائج كمان كانت سليمة

لا تخافي
كل شي طبيعي باذن الله
تمت الإجابة بتاريخ 10/10/2017
80

عفواً أرسلت من قبل ولكن كان ايميل خاطئ أنا عمري 39 عاماً ولدي 3 اولاد 14 و 12 و 8 سنوات ولاداتي قيصرية الآن انا حامل ببداية الشهر السادس كانت آخر دورة شهرية 26 نيسان من شهر أشعر بانتفاخ في الأطراف وضغطي أغلب الأحيان العالي 13 و الواطي 9 ولون البول أصفر وأشعر أحياناً بتنميل أي خدران في الكف الأيسر و عند النوم ع جهة اليسار أشعر بتنميل الكف الأيمن ومن أسبوعين أشعر ب حكة بساقين من الركبة للقدم بد

انتي بحاجة لتحاليل عامة اهمها بروتين البول وخضاب الدم وحديد المصل
تمت الإجابة بتاريخ 10/10/2017
81

السلام عليكم ..انا ولدت من شهرين عمليه ..بسبب نقص السوائل حول الجنين وفشل الطلق الصناعي .المهم بعد العمليه راجعت الدكتورة وقالتلي انو انا رح ضل خلف عمليات لانو الرحم عندي صغير..فبدي اسالك شو يعني رحم صغير وشو سبب نقص السوائل

سبب نقص السؤال هو ضعف المشيمة , والمشيمة الضعيفة هرموناتها التي تسبب ضخامة الرحم بالحمل ضعيفة ايضا
لذلك ما بيكبر الرحم , يعني لو اخدتي ادوية تقوي المشيمة كان كبر الرحم
تمت الإجابة بتاريخ 10/10/2017
82

السلام عليكم عمري ٢٩ انجبت سابقا من سنتين و٤ شهور استخدمت حب المرضعات لمدة سنة ونص وبعد تركه وفطام ابني حملت ومات البيبي بعد بداية النبض بأيام عملت كورتاج وبعد الكورتاج صار دورتين ٥ تموز والبعدا ٥ آب في ٢٨ آب صار عندي تمشيح بني لمدة ٤ أيام وراح وبعدا تأخرت الدورة عملت اختبار حمل طلع سلبي رحت لدكتورة قالتلي عندي كيسات صغيرة وقليلة العدد عالمبيض الايسر اي انو مو شي بخوف على كلامها ب٢

لا ما بتخوف
بس لازم زوجك يعمل تحليل سائل منوي
تمت الإجابة بتاريخ 10/10/2017
83

مرحبا دكتورو ريم انا عندي ولد وقبل ولد صار عندي اسقاطين وبعد ولد كمان إسقاط وعملت كل تحليل دكتور قال مافي شي كلو سليم وجوزي عمل تحليل كمان سليم ولهلا ماعم يصير حمل والإسقاط صار من شي 4 شهور وانا حابة أحبل مرة تانية

خلي زوجك يعمل ايكو للخصيتين
تمت الإجابة بتاريخ 10/10/2017
84

لوسمحتي دكتورة انا متزوجة من خمس سنين وحملت من اول شهر بعد الزواج وحملي كان كتير جيد ومااحتجت لاي دوا بعدو عملت تمنيع طبيعي اربع سنين وهلق صرلي 8 اشهر بدي احبل ومن شهرين صار في حمل واجهاض بعمر تلت اسابيع حللت توكسو وغدة درقية وطلع طبيعي وانا عمري 31 ودورتي غالبا كل 30 يوم واوقات 32 وولادتي كانت قيصرية في شي اجراء لازم اعملو لاطمن انو اموري طبيعية واذا دورتي منتظمة فهل هالشي يعني الاباضة ط

تحليل سائل منوي + ايكو للخصيتين لزوجك بالطبع
تمت الإجابة بتاريخ 10/10/2017
85

يسعد أوقاتك دكتورة لو سمحت حامل بالشهر السادس ومن الشهر الرابع نفسيتي تعبانة شو تآثير هالشي عالبيبي خايفة عليه لأني حزينة وما مرتاحة نفسيا

نزلي اشتري الديارة وحلمي بالبيبي بتتحسن نفسيتك ان شالله
تمت الإجابة بتاريخ 10/10/2017
86

يعطيك العافية دكتورة على نصائحك واجوبتك وتعاملك معنا لله يخليلنا ياكي بدي أسالك سؤال شو الاغذية الي لازم أكلها ويلي ممنوعة لانجاب الذكر الله يخليكي ردي على سؤالي

رح انسخلك بوست قديم الي :
من أكثر الأسئلة التي تردني على الإطلاق : ما الحمية التي أتبعها لأنجب صبياً ؟؟!
وأجيب :
حبيبة قلبي هالسؤال لا توجهيه إلي , وجهييه لستك ... اسأليها : تيته بدي جيب صبيان متلك , قوليلي شو أكلتي لجبتي أبي وعمامي ؟؟
رح تجاوبك : وك يا بنتي شو بدي آكل غير متلي متل بيت حماي ؟؟؟ كنا 6 كناين ... إن شالله كل كنة بدها تاكل شكل ؟؟؟ والله حماتي الله يرحمها بترفعنا فلقة ... بشكل عام كنا نحنا الكناين ناكل هوا يومياً ونحنا راكدين بالقبقاب من أرض ديار للمطبخ ومن البحرة للسطوح ونحنا عم نشطف ونغسل ونمسح لدرجة آخر شي من تعبنا نرقص رقصة ستي ... وجبت 6 صبيان بين فتلة وفتلة ... بقى شوفيلك شي قبقاب وافتلي بهالبيت مسح وشطف وغسيل بلكي بيجيكي توم صبياااان .......
~~~
د . ريم عرنوق
تمت الإجابة بتاريخ 10/10/2017
87

يعطيكي العافية دكتورة اناحامل كان موعد دورتي 5/8 ورحت عند دكتورة اول شي مابين عليهاارجعت بعد اسبوع قالتلي الك شهر وانا معي قصور بالغدة عالجتو وارتحت بس كان عندي من قبل اعراض ديقة نفس شديدة وتعب بالجسم الغدة اتحسنت بس الاعراض ماراحت الدكتورة الغددقالتلي بجوز مو منها هي الاعراض وانا عم اخد التروكسين وكالسيدال ومقوي ب بلاس ومع دوا الحمل فوليو دكتورة من شو ممكن اتكون ضيقة هالنفس والتعب

انتي بحاجة لتحليل خضاب وحديد وفيتامين د
تمت الإجابة بتاريخ 10/10/2017
88

يسعد اوقاتك دكتوره انا عندي ولدين بالعاده باخد ابره تبع الزمره لان زمرت دمي سلبي وزوجي ايجابي صار حمل مرتين بعد الولدين بس اجهضت وكان مدت لحمل اقل من شهر بالمرتين ونسيت اخد ابره بعد الاجهاض وهلا انا حامل بالشهر السابع عملت تحليل باول لحمل قالولي عليه هون مشان يشوفو اذا لحمل سليم طلع سلبي لحمدلله وقالولي مابحتاج ابره الله يوفقك كتير قلقانه مشان هالوموضوع وخايفه كمل لحمل ومااخد ابره و

لالالا تخافي
الحمول اللي ما فيها نبضان مو بحاجة لابرة بعد الاسقاط
تمت الإجابة بتاريخ 10/10/2017
89

متزوجه من خمس سنوات بعد سنتين حملت مع ابر التحريض بتوأم ثلاثي استمر الحمل لاول اسبوع بالشهر السابع وانتهى بولادة طبيعيه عاشوا لاطفال ساعت وتوفوا لانو الرئه غير مكتمله بعدسنتين تابعت مع الطبيب وطلب صورة ظليله تبين وجود التهاب بسيط بالبوق الايسربعد شهر حملت واستمر شهر ونص واجهضت مع العلم التحاليل جيد انا وزوجي ارجو الرد ولكِ جزيل الشكر

خدي تحريض اباضة مع مر اقبة
تمت الإجابة بتاريخ 10/10/2017
90

مرحبا دكتورة انا صرت بالشهر السابع وعملت ايكو رباعي قلي الجنين انثى وبعدين قال لاء مو متاكد بعدين اكدلي انو الجنين انثى وماكتب عالتقرير انو انثى بس قال يوجد اشفار لهيك انثى ممكن يكون ذكر وتظهر الخصيتين لاحقا وشكرا دكتورة

بالسابع جنس الجنين بيكون واضح 100%
تمت الإجابة بتاريخ 10/10/2017
91

مرحبا دكتورة انا صابني دوال بتاني ولد برحم وصار نزيف اسناء قيصرية وتمزق الرحم ئلي حاليا ولدانة ارع سنين بئسر اذا رجع حبلت واحتمال يرجعو بل حمل الجاي

الدوالي مو سبب النزف
تمزق الرحم هو السبب واذا عملتي القيصرية عند طبيب ماهر ان شالله ما بيتكرر
تمت الإجابة بتاريخ 10/10/2017
92

دكتوره انا حامل باخر الشنر الرابع دكتوري وصفلي كافيد ام زد كالسيوم بلش اخدو من اول الرابع حللت كلس طلع 8.9 مع العلم باخد فيتامينات بري ناتال فورمولا من الشهر التاني واسبرين وانا مابشرب حليب كل يوم شو اعمل انا بهيك حاله

كالسيوم الدم طبيعي عندك
وقفي كل الادوية وخليكي بس على بري ناتال
تمت الإجابة بتاريخ 10/10/2017
93

دكتورة ريم انا اخر دورة الي 5 شهر 7 وكل ما اعمل تحليل بول او دم ما يبين الحمل ابدا لغاية 15/9 علما انا دورتي غير منتظمة كيف فيني احسب عمر الجنين صح

بالايكوغرافي
تمت الإجابة بتاريخ 10/10/2017
94

مرحبا.... دكتورة انا متزوجة من سنة ونص اعملت كورتاج من 6 شهور و لهلا ما صار حمل بعدو و تحاليل الزوج منيحة وما في دوالي او اي مشاكل..... و الرحم وضعو جيد ما في مشاكل ...الدورة والاباضة طبيعية بس زوجي بيكون مسافر بوقت الاباضة شو الحل وشو لازم اعمل؟؟؟ هل الحل انو اخد منشط اباضة ؟؟؟ او في تحاليل معينة لازم اعملا ارجوكي اتساعديني

لازم تنامي مع زوجك بفترة الاباضة
تمت الإجابة بتاريخ 10/10/2017
95

انا حامل اسبوع واصبح بالتاسع وجنيني لا يتحرك بشكل طبيعي وانا خايفة لان يوجد معي تكلس بالمشيمة ووضعية جنيني للاسفل ماذا عليي ان افعل

خدي ميني سبرين وتراقبي جيدا عند طبيب ماهر
تمت الإجابة بتاريخ 10/10/2017
96

مرحبا دكتورة انا حامل بنص التامن و من خمس ايام صاير معي وجع بأسفل البطن يعني بكون متسطحة او قاعدة ما بحس بشي بس بدي اجي قوم او اتقلب بحس بوجع و تقل اسفل بطني مع العلم عملت تحليل بول و طبيعي ما في شي ابدا و ما في عندي افرازات او اي شي تاني برايك دكتورة شو سبب الوجع

تدخل رأس الجنين بالحوض وضغطه على اعصاب الحوض
تمت الإجابة بتاريخ 10/10/2017
97

مرحبا انا باخد حبوب منع حمل و حابة آخد حبوب التنحيف (Ab Slim ) هو الدوا عشبي هيك مكتوب بالمكونات لكن عندي خوف يكون بأثر علىحبوب منع الحمل او بيبطل فعاليتها و خايفة يكون انو ما عشبي بس هيك مكتوب بالتركيب تبعو مجرد كتابة ، شو رأيك دكتورة ؟ ممكن يأثر ؟ لانو موضوع الحمل كتيييير حساس و مهم عندي ماني رايدة احمل حاليا ابدا و بنفس الوقت رايدة كتير استخدم الحبوب هي لاني مجربتا قبل الزواج و استفدت عل

لا ما بيأثر ابدا بس لا تاخديهن سوا بنفس الوقت
تمت الإجابة بتاريخ 10/10/2017
98

هل المشبمة المنخفضة تؤثر على الحمل؟ممكن تسبب اجهاض؟انا بالشهر الرابع بدايته بس لسا ما عرفت اذا مسكرة عنق الرحم او بس قريبة منو

لا تخافي
مع تقدم الحمل بترتفع المشيمة بس خدي مقوي الامومة + انتي سبا
تمت الإجابة بتاريخ 10/10/2017
99

يعطيكي العافية دكتورة انا برات سوريا وحصل عندي 4اجهاضات متكررة بعد انجاب 3بنات طبيعيا وعملت تحاليل الي ولزوجي وبصراحة ماعم اقتنع بكلام الدكاترة عندي حسيت عم يتحزرو تحذير وقالو بدي ابر هيبارين ..كيف الطريقة انو ابعتلك تحاليلي وصوري لتفيديني مع العلم الاجهاض كان بالاسابيع الاولى الاسبوع السادس او السابع هيك شي وشكرا الك ولتعاونك معنا

خلي زوجك يعمل ايكوللخصيتين
على الاغلب عندو دوالي
تمت الإجابة بتاريخ 10/10/2017
100

دكتورة يعطيكي العافية انا ولدانة عندك بمشفى الغزالي من مدة شهرين تقريباً ووقت ولدت من شدة الكبس صار معي هبوط بالرحم ونزيف بس الحمدلله نحل الموضوع... ولليوم صرلي ولدانة اكتر من 70 يوم ولحد الآن عم شوف العفو منك "مشح بني غامق" حابة اعرف شوالسبب واذا هاللشي طبيعي او لآ...؟؟؟؟

تعي اعملك ايكو لنشوف
تمت الإجابة بتاريخ 10/10/2017
101

السلام عليكم دورتي غير منتظمة تقريبا كل ٣٠ يوم متى تكون الاباضة عندي مبيض فيه كيسات لكن بشكل بسيط عم باخد كليفساج وفيتفول كافي كعلاج ؟ من فترة عملت كورتاج وبعد الكورتاج مر دورتين طبيعيات ٥ تموز و ٥ آب لكن في ٢٨ آب صار عندي تمشيح بني لمدة ٤ ايام وبعدا ما اجت الدورة ل٢٠ ايلول ومافي تحجير كبير بصدري كان يكاد لا يذكر هل وضعي ضمن الطبيعي و هل صعب يصير حمل في هالظروف ممنونة دكتورة

اذا كل شي طبيعي وتحليل زوجك طبيعي بيصير حمل ان شالله
تمت الإجابة بتاريخ 10/10/2017
102

انا صار معي ٣ اجهاضات واحد بعمر ٥ شهور كان مشوه نزلنا و تنين كورتاج رحت ع دكتور وعملت تحاليل ماطلع معي شي دكتوره قالتلي اتركي حالك يعني لا تمنعي قالت بس حبلتي بتجي لعندي فوراا منعطيكي ابار بيضربو تحت جلد ونوع حب دكتورا بليز تجاوبيبي كتير خايفه يصير معي اجهاض واذا بدك ببعتلك صور تحاليل كمان

الابر ما بتفيد بحالة التشوهات
خلي زوجك يعمل تحليل سائل منوي + ايكو دوبلر للخصيتين
تمت الإجابة بتاريخ 10/10/2017
103

دكتورة ..لوسمحتي انا تزوجت من ست شهور تقريباً الدورة غير منتظمة عندي رحت عدكتورة وحللتلي هرمون الحليب طلع عندي 36 واخدت دوستنكس علبتين نص حبة كل ثلاث ايام وبقيت الدورة غير منتظمة رحت عند دكتورتي خامس ييوم دورتي وقت اجتني وحللتني هرمون LH و Tsh Lhطلع 12 وtshطلع 5.4 عطتني حب تنظيم الدورة وحب كلوكوفاج عيار 500حبة باليوم وحب اثيروكس 25مكروغرام انا بدي اعرف انو هي ماشية معي صح والا لا لانو عنجد خ

لا تمام هيك
تابعي معها
تمت الإجابة بتاريخ 10/10/2017
104

ولدت ابنتي في المرة الأولى من ثلاث سنوات ونصف قيصرية وذلك بسبب تجلس المشينة ونقص الماء... هي حاليا في شهرها التاسع من الحمل الثاني.. الدكتورة تقنعها بالقصيرة بحجة احتمال أن يفتح الجرح وتنفيذ والدم غير متوفر بالمنافسة... إربد إريك بالموضوع علما أن إرهابية طبيعية والحنين متوجه

انا انصح بالقيصرية ثانية بعد القيصرية الاولى خشية انفتاح جرح الرحم بالمخاض
تمت الإجابة بتاريخ 10/10/2017
105

انا معي حرقة قوية بالبول ولما بتجيبني بأعد بالحمام شي 3 ساعات واخدت حبوب التهاب وما استغدت وبنتي كمان عمرا 5 سنين احيانا بتجيبا

فحص بول وراسب + زرع بول
لربما القصة رمال بولية
تمت الإجابة بتاريخ 10/10/2017
106

انتهى الاسبوع الاربعين من حملي ولا يوجد اي بوادر ولادة وانا بكرية وجربت جميع الوسائل لتسهيل الولادة وتسريعها هل الجئ للطلق الصناعي وكم انتظر من الوقت بعد الاسبوع الاربعين كحد اقصى والجنين لم ينزل في الحوض ايضا

لان الجنين لم يدخل الحوض لم يحدث المخاض
واضح انه هناك عدم تناسب حوضي جنيني
انصحك بالقيصرية اذا كان الرأس عالي وعنق الرحم شبه مغلق
تمت الإجابة بتاريخ 10/10/2017
107

أطعمة لمعالجة فقر الدم عند الحامل

سؤال هام جدا
سأجيب عنه بمنشور منفصل
تابعيني على الفيس وفي الموقع
تمت الإجابة بتاريخ 10/10/2017
108

دكتورة انا حامل بلاسبوع 35 وضرسي كتييييييير واجعني عندي موعد بكرة عند طبيب الاسنان بس حكيت اليوم مع دكتورة وقالتلي اخد مضاد حيوي زينات عيار 500 مشان ارتاح شوي ليجي الموعد بكرة شو رأيك دكتورة اخدو ولا مافي داعي وبقدر استعمل مسكن غير بنادول ؟

خديه وراجعي طبيب الاسنان
تمت الإجابة بتاريخ 10/10/2017
109

وجع في مكان المبايض قبل الدورة مع مغص وتأخر الدورة 3 ايام مع العلم دورتي بتجي كل شهر بس مو نفس اليوم أحيانا بتتأخر وأحيانا بتقدم شو بيكون السبب

ممكن كيسات مبيض وممكن رمال بولية بالحالبين
انتي بحاجة لايكو للحوض + تحاليل
تمت الإجابة بتاريخ 10/10/2017
110

دكتورة هل وجود كتلة ليفيه بالثدي بيمنع الحمل ؟

بالتأكيد لا
تمت الإجابة بتاريخ 10/10/2017
111

لو سمحتي دكتورة انا عم عاني من مشكلة من اول ماتجوزت الوجع وقت الجماع مو معقول مامشي الحال ل بعد 15 يوم لنزل دم وصرلي متجوزة سبع شهور ولهلأ الوجع ماكان يروح وماعم يصير جماع كامل وهلأ عم فكر جيب بيبي وخايفة يأثر هالموضوع عالحمل شو الحل لو سمحتي

الحل تزيدو عدد مرات الجماع ... وما بيأثر ع الحمل
تمت الإجابة بتاريخ 13/10/2017
112

مرحبا دكتورة اتزوجت من ستة أشهر وعمري 38 سنة وعم حاول يكون في حمل وراجعت أكتر من طبيب ولليوم ماصار حمل وفي طبيب وصفلي حب محرض إباضة فقط مع العلم إباضة جيدة ودورتي الشهرية منتظمة كل شهر . الحبوب سببتلي ألم بفترة الإباضة وبدون نتيجة وعملت تحليل برولاكتين ونتيجته طلعت 21 % وتحليل الإباضة طلعت النتيجة 6.9 .. بعد ما اخذت حبوب تحريض الإباضة .. طبيب قلي لازم اخدة ابر تفجير بعد حبوب تحريض الإباضة ..

6.9 شو هو بالضبط ؟؟؟ AMH
تمت الإجابة بتاريخ 13/10/2017
113

دكتورة بدنا اعرف علاج الحلمة الغائرة

مساج من الشهر السابع للحمل مع شد الحلمة + حلمة صناعية بعد الولادة
تمت الإجابة بتاريخ 13/10/2017
114

كيفك دكتورتنا الغالية انا مابعرف حضرتك شخصي بس ماشاء الله عنك بدي أسأل حضرتك عندي مشكلة مابعرف إذا لازم اقول كبيرة او صغيرة انا حامل بالشهر الخامس بالضبط بالاسبوع 19بس من 15يوم طقت مي الراس وانثقب كيس الحمل ولهلق عم عاني والجنين لساتو عايش بقيت بالمشفى عشر ايام عملولي فحوصات وتحاليل قال وضعي مستقر ولازمني تسطيح عطول وانا خايفة كتير انو يصير معي اجهاض عندي 3اجهاضات سابقة ومتوترة نفسيا

وضعك مو مطمئن للاسف ... لازم يتقيم وضع رئتي الجننينن
تمت الإجابة بتاريخ 13/10/2017
115

دكتورة الله يعطيكي العافية بدي اسألك سؤال بعد اذنك انا حامل باول الشهر السادس وصار معي حرقة بول عم استعمل نتروموند بعد ما استشرت طبيبتي بس هلا اليوم خامس يوم من الدوا وصار معي حكة كتير بأصابع ايديي ومتل حبوب صغيرة بايدي طلعو وقف الدوا شو اعمل الحرقة راحت والك الف شكر

عملي فحص بول وراسب إذا مافي باكتيريا وقفي النترومونند
وبشكل عام عملي زرع بول اذا رجع الالتهاب
تمت الإجابة بتاريخ 13/10/2017
116

سؤالي للدكتورة ريم ... هاد حملي الثاني ...انا بكرا أول يوم بالأسبوع36 ..وعالايكو طلع وزن الجنين كلين و٣٥٠ غرام ..هل الوزن طبيعي ؟ مع العلم ضغطي غالبا بكون 13/9...والحمل الاول صار معي تسمم حمل بسبب إرتفاع الضغط وتوفى الجنين آخر الشهر السابع وولدت ولادة طبيعية..شو بتنصحيني؟

لازم تعملي تحاليل دموية وبولية واذا في علامات انسمام لازم تولدي بالاسبوع 37
تمت الإجابة بتاريخ 13/10/2017
117

اذا بتريدي دكتورة اناعمرضع مافي دورة وفي الم بسفل البطن وقت الجماع وعندي شعر زايدكتير بجسم ممكن اعرف شو السبب

لازم تنفحصي
تمت الإجابة بتاريخ 13/10/2017
118

مسالخير دكتورة انا تزوجت من خمس سنين وحملت فورا من اول شهر وكان حملي سليم وولدت قيصرية بسبب الجنين مقعدي بعدو منعت اربع سنين تمنيع طبيعي ومن 8 اشهر قررت احمل ومن شهرين صار اجهاض بعمر تلت اسابيع وحللت غدة وجرثومة وكل شي طبيعي وقالولي الحمل اساسا ضعيف وهلق صرلي شهرين وماصار حمل علما انو عمري 31 ودورتي تقريبا كل 30 يوم واحيانا 32 بدي اسال في اجراء لازم اعملو لاتاكد انو اموري طبيعية واذا الدو

تحليل سائل منوي
تمت الإجابة بتاريخ 13/10/2017
119

مرحبا دكتورة لوسمحتي انا صار معي اباضة مبكرة اخر تلات ايام بالدورة صرت حس بوجع بالمبايض وافرازات الدوره خفت كتير وزادت افرزات الاباضة وصار جماع بعد الدورة بتلات ايام او يومين فشو احتمالية جنس المولود تكون واستخدمت جهاز اباضه طلع ايجابي بهاليومين وشكرا الك

الله هو اعلم
تمت الإجابة بتاريخ 13/10/2017
120

حامل بالأسبوع الأخير من الشهر السادس أعاني من حكة وحرقة مع إفرازات مهبلية لونها أبيض يميل للإصفرار منذ أسبوع ..ما هو الدواء المناسب

التهابات نسائية
يفضل الفحص لتحديد نوع الالتهاب
أنا أنصح بتحاميل ميكوبروجل
تمت الإجابة بتاريخ 13/10/2017
121

يعطيك العافية دكتورة .. من شهرين تقريبا تأخرت الدورة ١٥ يوم وشكيت بحمل رغم انو في منع عن طريق الواقي الذكري .. بعدها اجت مرتين الفترة بيناتن ١٣ يوم بس، من يومين صار في تمشيح ووجع بالبطن والصدر فتوقعت انها رح تجي الالم مستمر بس ما اجت لسة بالشكل الطبيعي .. صارت معي من قبل من حوالي سنة واخدت حب بروجينوفا ومشي الحال .. ارجع اخده ولا شو ؟ شكرا الك

لازم تعملي ايكو لنفي الكيسات
تمت الإجابة بتاريخ 13/10/2017
122

دكتورة لو سمحتي بعد أديش لازم تنزل الدورة بعد حبتين الاختبار علما عندي pco

عادة من 7 ـ 10 ايام
تمت الإجابة بتاريخ 13/10/2017
123

كيفك دكتورة انا من فترة طلع عندي التهاب بعنق الرحم اخدت اول شي ميكروبروجيل وبعدين عملت لطاخة وطلع التهاب كتير شديد اخدت ميكروبروجيل فورت ومرسيسين وزدناد وفام دوش وزوجي مرسيسن عيار600 هلأ السؤال انو رجعت عم شوف افراوات فيها دم هدول الافرازات من اللولب لاني مركبة لولب ولا رجع الالتهاب ؟

من اللولب لانو بيزيد الالتهاب
عملي فحص للمفرزات المهبلية لنعرف نوع الجرثوم سبب الالتهاب
تمت الإجابة بتاريخ 16/10/2017
124

دكتورة هل من اليمكن ان لايظهر الحمل في الكاشف المنزلي بعد انقطاع الدورة13يوم

ممكن اذا تأخرت الاباضة
تمت الإجابة بتاريخ 16/10/2017
125

السلام عليكم دكتورة ريم .... انا صبية عمري ٢٥ سنة متزوجة من سنة انا عندي مشكلة انو الدورة ما تنزل الا بحبوب منظمة ولم يحدث حمل راجعت طبيب واعطاني ابر للاباضة من خامس يوم للدورة ولمدة ٦٤ يوم مع زيادة الجرعات وبالخير قاللي الدكتور انو صار عندي اكثر من ٣٠ بيضة وهذا خطر للحمل .... دكتور شوتنصحيني اعمل مع العلم انا معي الTSH=١٧ ومعي مناعة ذاتية للغدة الدرقية ونسبة الاستروجين قليلة عندي

لازم تعملي تقييم هرموني شامل
تمت الإجابة بتاريخ 16/10/2017
126

رجعتك فرحة قلبي من جوا بعد اذنك انا ولدت من سنة ونص قيصري والجرح كتير بشع في عض قاسي واحمر نافر لبرا وهلئ حامل وخايفه يرجع نفس شكل.. هاد الشي من شغل دكتورة ولا طبيعه جلدي.. شو ممكن نعمل ليطلع جرح مالو اثر

تسلميلي يا رب
يجب ازالة الندبة القاسية في القيصرية التالية
موضوعك سهل جدا
تمت الإجابة بتاريخ 16/10/2017
127

دكتورة اذا ماصار حمل ومافي شي مبين بالايكو شو هيي النحاليل الهرمونية اللازمة؟

حسب وضعك ووضع زوجك
تمت الإجابة بتاريخ 16/10/2017
128

دكتورة بس،صار اباضة قديش في وقت بعدها ليصير جماع وحمل باذن الله؟ يوم او يومين؟

يوم واحد تعيش البويضة 24 ساعة
تمت الإجابة بتاريخ 16/10/2017
129

اذا بتريدي دكتوره انا عمري 30سنه عم رضع بنتي عمرا 10شهور من يومين شفت كتله صغيره متل حبه الحمص قاسيه متحركه بالثدي من شو ممكن تكون وانا من فتره شهرين كان معي التهاب بالثدي وطبت وهلأ بنتي في بتما فطور ممكن يكون هاد السبب

الكتلة على الاغلب ليف صغير او كيسة التهابية متليفة
لا تخافي عادي
تمت الإجابة بتاريخ 16/10/2017
130

مسا الخير دكتورة انا حامل في اول الشهر الثاني طلع في كيس على المبيض حجمو ٥ سانتي ممكن يأثر على الحمل ؟؟

هاد الكيس هو غلاف البويضة اللي انتجت الحمل , هو مفيد جدا للحمل لانه يفرز هرمونات تثبت الحمل
تمت الإجابة بتاريخ 16/10/2017
131

دكتورتنا الغاليه يعطيكي العافيه انا بأول الشهر الخامس الكالسيوم عندي خمسة عطتني الدكتورة دوا للكلس مرتين باليوم لان مابشرب لبن ولاحليب ولامشتقاتو وكمان قالتلي عندي دوالي بالحوض وعطتني دافلون مرتين باليوم وكمان عم اخد دوا للحديد واسبرين اطفال ونافوديكسين للاستفراغ من شي شهر صابني فطور بالمثانة وعطتني تحاميل وبعدا صارت الفطور مليانة بتمي ولساني مع حبوب وبقع صغيرة صفرا هي كمان عد

راجعي طبيب داخلية وهضمية ليعالجك
بدك صيانة شاملة
تمت الإجابة بتاريخ 16/10/2017
132

دكتورة انا اخر دورة الي 5 شهر 7 وكل ما اعمل تحليل حمل بول او دم يطلع سلبي علما انو دورتي غير منتظمة لحد 15/9 طلع ايجابي وانا حاليا حامل كيف فيني احسب عمر الجنين صح

بالايكوغرافي
تمت الإجابة بتاريخ 16/10/2017
133

دكتورة يعطيكي العافية والله يجزيكي كل الخير انا عندي مشكلة انو دورتي غير منتظمة ومعي تكيسات ع المبيض بعد معالجة حملت وهلق ابني عمرو 5 شهور فطمتو وما اجتني الدورة بلشت اخد حب الديان حتى تنزلي الدورة يا ترى شغلي صح ولا غلط عم اخد معو كلوفاج وهل الديان الو مشاكل وهل بيساعد انو التكيسات تروح شكرا كتير دكتورة لانو راح تساعدين

هلئ الديان مفيد بس المفروض تعملي شوية تحاليل هرمونية قبل ما تبدي بالديان
اعمليهم بالدورة القادمة
تمت الإجابة بتاريخ 16/10/2017
134

دكتوره انا تحليل الكالسيوم 8.9 ودكتورتي عطتني كافيد ام زد اخدو من الشهر الرابع وفيتامينات من الشهر التاني بري ناتال فورمولا واسبيرين فيني عوض عن حبوب الكالسيوم بللحليب والجبنه

اكيد فيكي
اصلا ما بيصير تستعمليه مادام كالسيوم الدم طبيعي
تمت الإجابة بتاريخ 16/10/2017
135

السلام عليكم دكتورة. سمعنا من بعض الاطباء الأخذ بالجدول الصيني الى جانب مراقبة الاباضة هل لهذا الجول اساس من الصحة وهل تأخذين به بتحديد جنس الجنين

الجواب موجود على الصفحة وبالموقع بشكل مقالات وفي قسم الاسئلة الشائعة ايضا
تمت الإجابة بتاريخ 16/10/2017
136

يعطيك العافيه دكتورة ..من بعد اذنك ياريت الجواب لسؤالي لووسمحت ..انا لازم الدورة اكون اجتني ..ولحد هلأ ما اجت وصارلها تقريبا اسبوع ..مع العلم انها بالعاده بتبق عليي 5ايام واسبوع بس هالمرة تأخرت.. وعاساس عم منع طبيعي ...مابعرف اذا صار شي مرة خربطة بالحساب ..بس الفكرة اني جبت تيست حمل وحللت مرتين وعطاني سلبي ...هل ممكن يكون في حمل بس مو باين لسه ..او في مشكلة تاني...مع العلم انو انا دائما بصير معي

اعملي تحليل هرمون الحمل بالدم
تمت الإجابة بتاريخ 16/10/2017
137

يعطيكي الف عافية دكتورة انا حامل بالاسبوع٢٤ وصاير معي افرازات فطرية وصفتلي دكتورة تحاميل مهبلية gyno mikozal وكريم خارجي avacom-m المشكلة انو الافرازات تحول لونها من اصفر لاصفر مخضر بس بدون رائحة في شي خطير ؟؟وشكراً سلفاً

لا مافي شي خطير
صارت الالتهابات جرثومية
تمت الإجابة بتاريخ 16/10/2017
138

اكلت تونةوبعدين عرفت انهامضرة وممنوع عاالحامل تاكلهاشوصحو هاالكلام

لا ابدا
التونة دائما بتكون مطبوخة
انا بنصح فيها مراجعاتي الحوامل لانها غنية بالبروتين والاوميغا
تمت الإجابة بتاريخ 16/10/2017
139

دكتورة انا عمري ٢٢ سنة كنت عم اخد حب مارفيلون لمدة ست اشهر وقبله كنت عاملة مانع طبيعي عندي بنت عمرها ٣ سنين و٤ اشهر .. تركت الحب من فترة ست اشهر بس لسا ما صار حمل اول شهرين كانت دورتي نظامية تجيني ع ٢٨ يوم يلي بعده اجتني قبل لي ٨ ايام وصفتلي دكتورة حب انسايت أخدته ع دورتين الشهرين ييلي بعدها كمان اجتني ع ٣١ يوم وانا طبعا حابة احمل وكتير خايفة من هالوضع انه ليش هالخربطة ماا بخبي عنك مرقت شو

خلي زوجك يحلل
تمت الإجابة بتاريخ 16/10/2017
140

شكرا كتير دكتوره

مية السلامة
تمت الإجابة بتاريخ 16/10/2017
141

دكتوره ماعم ينزل سؤالي

اكيد لانك ما كتبتيه
تمت الإجابة بتاريخ 16/10/2017
142

يسعدلي أوقاتك دكتورتنا الغالية❤ لوسمحتي دكتورة انا عمري 23 سنة ومتزوجة من 3 سنين ولهلأ ما صار حمل.. دورتي مومنتظمة من قبل الزواج ولهلأ كل فترة باخد حب تنظيم ..اخر دكتورة صرلي متابعة معها سنة قالتلي انو عندي تكيس مبايض بس انا ما عندي سُمنة أو شعر زائد عطتني كلوميد لمدة ست شهور وبس اترك التنشيط برجع للتنظيم وهكذاااا تنظيم وتنشيط وعلماً انو الاباضة عندي بتستجيب كتير منيح عالتنشيط وزوجي ع

عملتي صورة ظليلة ؟
تمت الإجابة بتاريخ 16/10/2017
143

مين مابدو بيقدر ياخود فيتامين د ا/نا عمري 46ودورتي منتظمة وبتجيني هبات سخنة مع تعرق شديد ولو كان الجو بارد عم انزعج كتير من هل الحالة ارجو منك المساعدة والافادة بالموضوع وشكرا لكي وانصحيني مشان الكالسيوم وفيتامين د انا لااشرب الحليب بتاتا لااحبه وعندي تقصف اظافر هل يعني اني كلسي ضعيف ماذا افعل وشكرا سامحيني اطلتو الرسالة

لازم تعملي تحليل كالسيوم + فيتامين د لتشوفي درجة النقص
بالنسبة للهبات الساخنة معالجتها مختلفة
تمت الإجابة بتاريخ 16/10/2017
144

يسعد مساكي دكتورة الي فترة بدور ع صفحتك يسعد قلبك راح احميلك كل قصتي انا من 3سنين ونص صار عندي حمل خارج رحم وستاصلو القناة وجبت بعدا ولد بس الي فترة كل موعد منتصف دورة بصير عندي الم والم فضيع عند الجماع وشهر هاض كثير تعبت من الحكة والالم ودورة سبقت شي اربع ايام قبل موعدها والم ظهر وايام جهة وحدة وايام بحس كل ظهري واسفل بطني وجع لدرجة مابقدر اسند ظهري تمام ياربت اعرف سبب وشوممكن اعمل تحا

حبيبة قلبي التحاليل حسب الفحص
تمت الإجابة بتاريخ 16/10/2017
145

مسا الخير دكتورتنا الغالية انا زوجي كان معو تشوه حيوانات منوية بنسبة 90 بالمية قبل زواج بعشر سنين تقريبا وبس تزوجنا بعد محاولتين انا حملت واخدن انسايت قبل طبعا وصار حمل يتوأم بكيسين منفصلين هلق انا الي شهر ونص .... سؤالي ... هل ممكن ان يكون في تشوه اجنة ... وهل ممكن ان يكون قد تم القاح بويضيتين ب حيوانين منويين مشوهين.... لو سمحتي دكتورة طمنيني

ان شالله لا
هاد احتمال بعيد جدا
تمت الإجابة بتاريخ 16/10/2017
146

مرحبا دكتورة ممكن سؤال انا اخر دورة كانت الي 15 اب وصار معي التهابات نسائية وتعالجت منا بالفلانكوجيل واخدت 7حبات بس هاد الحكي وقت كان في حمل وانا لسه مالي خبر بعدا حللت بعد موعد الدورة وطلعت حامل ووقفتو بس قالتلي دكتورتي ابدامامنيح بالحمل طيب طمنيني بياثر عالجنين وشو كان بيعرفني طيب اني حامل كتير حابي اتطمن اذا سمحتي وشكرا الك

لا ما بيأثر
انا كاتبة بالموقع عن الموضوع
http://www.drreemarnouk.com/post.php?id=323
تمت الإجابة بتاريخ 20/10/2017
147

لوسمحتي د. ريم انا ولدت من شهرين طفلي الأول وبدي اركب لولب بس خايفة انو يسبب لي عقم مؤقت لا سمح الله متل انو ما احمل لبعد سنين، اذا الله اراد بدي امنع سنتين لحد ما تكبر بنتي بتنصحيني باللولب ولا بوسيلة تانية؟

تمت الإجابة بتاريخ 20/10/2017
148

لو سمحتي دكتوره انا عندي هرمون الحليب مرتفع وعم اخد دوا بصير حمل؟؟وازا صار حمل دوا الهرمون بأثر عل بيبي شي ؟؟ مع العلم انو ولدت من 10 شهور وطفلي توفا فورا واخدت دوا لفرط الحليب شكراا كتيير

لازم تعملي تحليل هرمون الحليب بالدم اثناء الدورة
تمت الإجابة بتاريخ 20/10/2017
149

الحمل الفارسي هو انو يكون رجلين الجنين للأسفل بالشهر السادس من الحمل إيمتى بياخد الجنين وضعية الولادة الطبيعية والرأس بيكون نازل للحوض مع العلم انو ولدت طبيعي مرتين

اثناء المخاض
تمت الإجابة بتاريخ 20/10/2017
150

مرحبا دكتوره انا متزوجة وعندي بنت عمرا ٥ سنين ونص بعدا حبلت واجهضت ٣ مرات مره قيصريه بعمر ٥ شهور وتنين كورتاج عملت تحاليل دكتوره عم بتقلي مافيكي شي طيب من شو هيك عم بصير معي عطتني فوليك وقالتلي بس حبلتي فوراا بتجي لعندي منعطيكي اباار تحت جلد وحبوب كتير خايفه بليز تجاوبيني اذا بدك ببعتلك صور كل تحاليلي ابوس روحك تجاوبيني

لالالالالالالا
تحليل سائل منوي للزوج + ايكو دوبلر للخصيتين
تمت الإجابة بتاريخ 20/10/2017
151

صباح الخير دكتورة يخليلي ياكي انا توفى عند بيبي من سنة يعني خلئ معو ضمور بالئلب وهلا انا حامل يعني الايكو العادي بيأثر عالجنين مثلا اذا كان كل 15 يوم بيعمل شي للطفل صرت بخاف من ايا شغلة تكون بتأذيه

لا ابدا
اعملي ايكو بالاسبوع 20 لتطمني
تمت الإجابة بتاريخ 20/10/2017
152

دكتورة انا بالشهر الاول ومكربة وصاير التهاب قصبات حاد شو ممكن ساوي

فيكي تاخدي اوكمنتين 1000 للضرورة القصوى
تمت الإجابة بتاريخ 20/10/2017
153

يعطيكي العافية.. انا حامل بمنتصف الشهر الثامن وعم حس بوجع بأصابع ايدي وتنميل باليد كلها..قرأت ع النت وعرفت انه اسم هالحالة متلازمة النفق الرسغي وعطتني دكتورتي ابر ميتران بس ما استفدت.. ياريت تساعديني لو سمحتي.. وشكرا لتعاونك معنا

حطي ماء بارد على ايديكي وارفعيهم فوق مستوى
تمت الإجابة بتاريخ 20/10/2017
154

يسعد صباحك دكتورة من فترة تمن شهور صار عندي حمل ونزل عالشهرين من عمرو كان ضعيف وبعدا ماعاد صار حمل وعندي بنت عمرا سنتين والدورة منتظمة عندي كل 28 يوم وصارت تجيني يوم او يومين وجع كتير وخفيف الدم وبدي يصير حمل شو التحاليل اللازمة وشكرا كتير الك ❤

برولاكتين اثناء الدورة
وتحليل سائل منوي
تمت الإجابة بتاريخ 20/10/2017
155

يعطيكي العافية دكتورة انا مركبة لولب من سنة ونص تقريبا كان عم يعملي شوية خربطة بالدورة بس اخر مرة اتأخرت عليي الدورة اسبوع وعملت تحليل حمل طلع سلبي هاد الشي طبيعي ولا لا

اللولب ما بيغير انتظام الدورة نهائيا
في سبب تاني اكيد
تمت الإجابة بتاريخ 20/10/2017
156

كيفك دكتوره انا حامل بالشهر السابع من بعد سبع سنوات صورت هالشهر قالت الدكتوره انو حملي اسمو الحمل العزيز يعني ما بيسوا الي اولد طبيعي وكمان الجنين مقعدي شو رايك مع العلم ما بفكر بالقيصريه ابدا؟؟؟! وشكرا!

الاسلم للطفل الولادة القيصرية بهالحالة
تمت الإجابة بتاريخ 20/10/2017
157

يعطيكي العافية دكتورة هل يوجد طرق لزيادة فرص الحمل بتوأم وهل يمكن تحديد جنسهم اذا كان لا يوجد عامل وراثي بلحمل التوأمي وشكرا

طبعا هناك عامل وراثي
وهناك ادوية تساعد الحمل التوأمي
تمت الإجابة بتاريخ 20/10/2017
158

يعطيكي العافية دكتورة حامل باخر السابع وعم اشرب مي كتير وبضل عطشانة كاني صايمة وكمية البول قليلة مقارنة بكمية الشرب وعم حس بالشوب كتير كتير طبيعي؟؟ تاني شي انا مسافرة وكتير بحبك وبرتحلك سؤالي اذا بقدر اولد عندك حتى انزل واذا ماعندك مجال حتى ابقى ؟؟

اهلا ومية سهلا ... اكيد بولدك بعيوني
لازم تعملي تحاليل لموضوع التبول والحرارة
تمت الإجابة بتاريخ 20/10/2017
159

صباح الخير دكتوره بدي اسال انا عملت لولب لولب هرمون تقريبا من شهرين ولهلا عم يصير معي نزيف خفيف هل هاد الشي طبيعي.؟

طبيعي مع اللولب الهرموني
تمت الإجابة بتاريخ 20/10/2017
160

دكتورة عندي مبيض متعدد الكيسات وانا مخطوبة عرسي بعد اسبوعين وبعاني من تأخر دورة من10ل16يوم وصفولي دوا اسمو ميتفورمين بعد الأكل مباشرة ومن ليوم لخامس لدورة منظم دورة وانا عندي حب للأطفال كتير هل ممكن يتأخر الإنجاب كتير بسبب مشكلتي؟

ان شالله ما بيتأثر الحمل
تمت الإجابة بتاريخ 21/10/2017
161

دكتورة انا حامل بالشهر التاني ومن كم يوم صرت حس بسرعة دقات قلبي علما انو قبل الحمل ماكنت عاني من شي وهاد حملي الاول عمري 28

ان شالله شي طبيعي
بس الافضل تحللي حديد وخضاب
تمت الإجابة بتاريخ 21/10/2017
162

مرحبا دكتورة انا عم استناكي ما صدقت ايمتا رجعتي تستلمي اسئلة الله يوفقك دكتورة انا متجوزة من سنة ومن شي اربع اشهر قررنا انا وجوزي نجيب ولاد وانا ما صدقت ع الله انو وافق ومن وقتا يفوت السائل المنوي جوا وانا دورتي مو منتظمة وما صار حمل رحت عند دكتورة انا في السويد وحكتلي بعد السونار انو انا عندي تكيس في المبايض وهدول باخرو الحمل اقل شي سنة وما رضيت تعطيني اي دوا حكتلي حمية غذائية عن العج

خدي محرض اباضة + تحليل سائل منوي
تمت الإجابة بتاريخ 21/10/2017
163

مرحبا دكتورة... انا عمري 27 متزوجة من سنتين تقريبا عندي ولد عمرو 6 شهور مقيمة بألمانيا وحابة ريح جسمي بدون مايأثر عالانجاب شو افضل وسيلة بعد اول ولد غير المنع الطبيعي الحبوب لانو مالي حابة الهرمونات.... ياريت تجاوبيني... ويعطيكي العافية

اللولب اكيد
تمت الإجابة بتاريخ 21/10/2017
164

اي ولادة اسهل القيصيريه ام الطبيعية أنا خائفة جدا من الولادة الطبيعية وخصوصا انه اول حمل الي وارغب بالولادة القيصيريه لشوائع الم الولادة الطبيعة

الولادة الطبيعية اسهل بما لا يقاس من القيصرية
تمت الإجابة بتاريخ 21/10/2017
165

يادكتورة اناعم رضع ابني وخايفة افطمو احمل وانا مابدي شو وسيلة منع الحمل المناسبه مع الرضاعه

اللولب
تمت الإجابة بتاريخ 21/10/2017
166

انا اخدت ابرة pregynl بيوم 13 من الدورة و بيوم 24 من الدورة جبت كاشف حمل و طلع خطين بس الخط التاني فاتح اليوم 25 رجعت جربت طلع خط واحد ممكن يكون في حمل او لا ؟؟؟ مع العلم انا عم اخد حب turinal صبح و مسا

الابرة هي اللي بتخلي التحليل يطلع ايجابي بس هاد ما ضروري انو حمل
تمت الإجابة بتاريخ 21/10/2017
167

وكيف احسب كوعد الاباضة يادكتورة

طول الدورة ـ 14 يوم هو يوم الاباضة
يعني مثلا :
الدورة 30 يوم , الاباضة باليوم 16
تمت الإجابة بتاريخ 21/10/2017
168

دكتورة لو سمحتي انا دورتي 32 و عملت تيست بال34 طلع ايجابي... امتا بقدر شوف عالايكو و اتأكد ازا في حمل او لا؟

بعد اسبوع
تمت الإجابة بتاريخ 21/10/2017
169

دكتورة بعد.نزول السدادة المخاطية بكم يوم حصول الولادة انا الي شايفتا تلت ايام ومافي لسا اي الم او طلق ماقي غير عبارة عن مغصات خفيفة متقطعة فقط مرتين بليوم وبتروح وهاد حملي الاول وباقي ليخلص شهري 6 ايام اقصى حد

امشي أطول فترة ممكنة ... ساعتين يوميا
تمت الإجابة بتاريخ 21/10/2017
170

الله يعطيكي العافية سؤالي عن الحمية الغذائية لانجاب صبي

لا صحة لتأثير الحمية الغذائية لانجاب ذكر او انثى
تمت الإجابة بتاريخ 21/10/2017
171

يعطيكي العافية دكتورة انا اخر دورة الي كانت ب 8/6 حسبتلي الدكتورة انو كل 12 الشهر بفوت بشهر هيك الايكو حسب انو موعد الولادة 5/12

16 / 5 موعد ولادتك
تمت الإجابة بتاريخ 21/10/2017
172

حدثت معي ثلاث حالات إسقاط بعدها ركبت لولب وبعد ما قمته لم يعد يحدث حمل تعالجت و قمت بعمل صورة ظليلية لكن لا توجد مشاكل زوجي مريض سكري ولكن نتيجة التحاليل سليمة.. انا على هذا الحال 5سنوات

خلي زوجك يعمل ايكو دوبلر للخصيتين
تمت الإجابة بتاريخ 21/10/2017
173

يسعد اوقلتك دكتورة انا مريضا عندك عندي قصور غدة درقية ونقص حديد وانتي عم تعالجيني دكتورة جربت وقف دوة الاتروكسين لفترة ورجعت اخدو وات رجعت اخدو دوخة شديدي وحب الحديد عم توجعني معتي منو مع العلم عم اشرب الحب الواقي المعدة. شوابتنصحيني ومشكورة احلا واجمل والطف دكتورة

حبيبة قلبي بعتقد التقينا بعد سؤالك بالعيادة
تمت الإجابة بتاريخ 21/10/2017
174

مرحبا دكتورة صار بعتت سؤالي مرتين بس ماوصلني جواب مع انو كتبولي انو تم الارسال

فين السؤال ؟؟؟!!
تمت الإجابة بتاريخ 21/10/2017
175

دكتورة لو سمحتي طريقة الحساب هي بتنطبق ع التساء الي دورتهم الشهرية اكثر من ٣٠ يوم ؟ مثلا ٣٤ل ٤٠ يوم ؟ يغني الإباضة عندهم مابتكون باليوم ١٤ أو ١٦ ؟

+ يومين - يومين ما بتفرق بالحساب ... أصلاً موعد الولادة بيتراوح بين الاسبوع 38 ـ 40
تمت الإجابة بتاريخ 21/10/2017
176

مرحبا دكتوره انا كنت حامل باول ولد ومات بطني بشهر سابع بسبب تخثر دم وانفكاك مشيمه وبعدا بستىاشهر حملت وطرحت وهلق انا حامل بتوم بشهر سادس ولحد هلق امور تمام بس ماعم اخد اي نوع دوا حتى فيتامين ماعم اخد لانو سببلي وجع بالمعده وقفتلي ياه دكتورتي سؤالي انو ممكن يصير معي كمان بي هالحمل بالاشهر لاخيره انفكاك مشيمه وكمان حب فيتامين ماعم اخد ممكن يصير تشوه لاا بيبيات

ما بيصير تشوه لانو الجنين كبر , بس ممكن يصير انفكاك بسبب نقص الفيتامين وخاصة حمض الفوليك
تمت الإجابة بتاريخ 21/10/2017
177

انا عمري هلق ٣٩ وعندي ثلاث اولاد صبي وبنتين اصغر بنت عمرها ٨ سنين وحابة هلق جيب ولد في شي خطورة بهل العمر على الجنين وشو بتنصحيني اخد مثلا فتمينات او اي شي وفي شي طريقة ممكن يعملها من شان احتمام يجيب صبي

مافي مانع من الحمل
خدي فوليك اسيد حبة يوميا قبل الحمل
بالحمل عملي ايكو دقيق بالاسبوع 12
تمت الإجابة بتاريخ 21/10/2017
178

يعطيك العافية دكتورة عمري 19غيرمتزوجة صار معي تأخر دورة وشعرانية وماعندي وزن زائد رحت فحصت وطلع معي تكييس مبايض وصفتلي ميتفورمين وديان أخدت الميتفورمين وانتظمت دورتي وماأخدت الديان خفت سؤالي عن الديان هل صحيح بسمن؟؟ ولازم بحالة التكييس الشخص يعمل حمية كيف بكون هدا الشي لو سمحتي

اذا ما عندك زيادة وزن لا داعي للحمية وانا برأيي لا داعي للديان
تمت الإجابة بتاريخ 21/10/2017
179

يعطيكي العافي دكتورة انا صار عندي حساسيه بالمنطقه الحساسة يمكن لان لبست ملابس داخليه جديده بلا غسيل في حكه كثير خايفي يكون شي فطريات شو ممكن اعمل؟

خدي كريم تري درم + حب فلوكنازول
تمت الإجابة بتاريخ 21/10/2017
180

السلام عليكم ..دكتورة انا من شي شهر ونص ولدت ابني عمليه بسبب نقص سوائل وفشل ااطلق الصناعي فدخلت عمليه ..هلا بعد ما ولدت قالتلي الدكتورة انو انا بضل خلف عمليات لانو رحمي صغير ..فسؤالي هوه شو يعني الرحم الصغير وشو سبب نقص السوائل وممكن تتكرر كعي هيك شغله وشكرا جزيلا دكتورتنا الرائعه

هاد اسمو نقص نمو الجنين داخل الرحم
تابعي الموضوع بالموقع
تمت الإجابة بتاريخ 21/10/2017
181

دكتورة انتي أكبر قدر معي حرقة فظيعة صرلي اكتر من سنتين هيك طبعا عند الجماع وتمكنت بس ما مشي الخال

راجعي طبيبتك
تمت الإجابة بتاريخ 21/10/2017
182

عمري ٢٥ عندي ولدين الكبير ٣ سنين فطمتو ع ١١شهر لان صار عندي حمل بس ضل الحليب بصدري لولدت ورضعت ابني التاني سنة وفطمتو من تلت شهور ولسا الحليب بصدري ما اخدت دوا وقت الفطام سؤال ممكن يروح الحليب لحالو أو لازم اخد دوا وشكرا جزيلا

ممكن جدا يروح لحالو
بكل الاحوال عملي تحليل هرمون الحليب بالدم
تمت الإجابة بتاريخ 21/10/2017
183

عمري ٢٥ عندي ولدين الكبير ٣ سنين فطمتو ع ١١شهر لان صار عندي حمل بس ضل الحليب بصدري لولدت ورضعت ابني التاني سنة وفطمتو من تلت شهور ولسا الحليب بصدري ما اخدت دوا وقت الفطام سؤال ممكن يروح الحليب لحالو أو لازم اخد دوا وشكرا جزيلا

بيروح لحالو
تمت الإجابة بتاريخ 23/10/2017
184

مسا الخير دكتورتنا الغالية نحنا عطول منعذبك بأسئلتنا الله يقويكي يارب عندي سؤال صغير بالنسبة لابرة الضهر انا ولادتي بعد شهر و والدتي مابدا ياني اخدها قال سمعت انو بتعمل وجع ضهر بعد الولادة وانو الها اضرار تانية تقبريني شو بتنصحيني كتير خايفة من الولادة وشكرا الك

اقري بوست بكرا
تمت الإجابة بتاريخ 23/10/2017
185

اسفة يمكن انبعت القسم الاول هي تكملة السؤال بالتحليل الاول كان الدرق0,96وبالشهر الي بعدو 2.96مع العلم انو مريت باقياء ووجع بطن وحطيت قسطرة متل ماذكرت سؤالي شو سبب هالزيادة هي بظرف شهر وبيأثر شي عالببو؟ وشكرا كتير الك

التحليل يختلف من يوم لاخر ولكن النتيجتين ضمن الطبيعي
تمت الإجابة بتاريخ 23/10/2017
186

مرحبا دكتوره انا عندي صداع من اربع سنوات او اكتر ورحت لكتير دكاتره وماستفدت شي وعملت صوره رنين كمان وانا هلق حامل بشهري ال5 وزاد عندي الصداع لشكل يومي وماعم يهدا بلمسكنات ممكن تفيديني وتقولي شو اعمل اذا تكرمتي لاني ولله ماعاد اتحمل الوجع ابدا

راجعي طبيب عصبية ضروري
تمت الإجابة بتاريخ 23/10/2017
187

ماهو الغسول الحمضي لو سمحتي

vignar douche
تمت الإجابة بتاريخ 23/10/2017
188

مسالخير دكتورة...انا حامل باخر التامن...عم دوخ كتير بحس جسمي تعبان.شو ممكن يكون السبب

فقر دم بنقص الحديد
تمت الإجابة بتاريخ 23/10/2017
189

دكتورة اعاني من الم شديد في اسناني واضطر لاخذ حبوب المسكن كل يوم صالي عشر ايام عل هل الحالة وانا حامل في الشهر الثامن اليوم ذهب وعالجت سن وبقي ثلاثة هل هذا خطر عل الجنين ارجو مساعدتي

لا ما في اي خطر
تمت الإجابة بتاريخ 23/10/2017
190

السلام عليكم انا في الشهر الخامس من للحمل واعاني زيادة وزن هل حبوب اورلتسات امنة في هذه المرحلة؟

لا يفضل عدم استعمالها لأنها تتحدد بالفيتامينات ... انتظري البوست غدا على الصفحة
تمت الإجابة بتاريخ 23/10/2017
191

يسعد اوقاتك ويعطيكي العافية لو سمحتي انا حامل وبأيامي الاولى شفت اطفال ملقحين حصبة وهلأ في حملة شلل اطفال وانا بنتي صغيرة ولازم لقحها ولازم لقحها لقاح عمر السنة وعمر السنة ونص يعني خلال هالحمل شفت ولد ملقحة حصبة والمفروض لقح بنتي شلل اطفال ولقاح عمر سنة وعمر السنة ونص ونحنا متداول عنا انو اللقاح بيعمل تشووهات للجنين وبيعمي اسقاط ياترا هالحكي صح؟ امانة طمنيني انا كتير خايفة من انو

لا تخافي ما بيأثر
ملايين الاطفال بيتلقحوا حول العالم وأمهاتهن حوامل
تمت الإجابة بتاريخ 23/10/2017
192

الاسبرين ماذا يفيد الحامل

ادخلي الموقع تجدين الجواب
تمت الإجابة بتاريخ 23/10/2017
193

دكتورةلو سمحتي اذا كانت الاباضة عندي مبكرة باخر يومين دورة حسيت فيها وصار ينزل افرازات متل وقت الاباضة وجبت تيست للاباضة وطلع خطين وباليوم التاسع والعاشر من الدورة طبعا كانت خالصه صار في جماع شو ممكن كتخمين يكون جنس المولود وطبع كلو بإيد رب لعالمين

قد يكون صبي وقد يكون بنت
تمت الإجابة بتاريخ 23/10/2017
194

يعطيكي العافيه دكتورة ممكن تحكيلنا عن توسع البوقين وهل علاجو بالدوا بيعطي نتيجة وشو العلاج الصح ئلو علما هوه صاير توسع بببعض المناطق

سأجيب ببوست غدا ان شاء الله
تابعيني
تمت الإجابة بتاريخ 26/10/2017
195

يعطيكي العافية دكتورة انا اخر دورة الي كانت ب15اب وبعدا بشهر 9 تقريبا ب15 الشهر بلشت علاج من الالتهابات النسائية واخدت فلانكوجيل تقريبا 7حبات وانا اصلا دورتي بتتاخر 5ايام بس بعدين حللت وطلعت حامل هل ممكن يناذا الجنين من الحب قالتلي دكتورتي مامنيح الحب ومابيسوا طيب انا ماكنت بعرف حالي اني حامل و ممكن تقوليلي شو الاخطار وايمت بيبين بالايكو اذا في شي بعيدالشر وشكرا الك يعطيكي الف عافية

ما بيصير اي شي قبل تأخر الدورة
تمت الإجابة بتاريخ 26/10/2017
196

مرحبا دكتورة ..انا متزوجة من سنة وعم اخد حبوب منع حمل بانتظام .وهلا قررنا نجيب ولد وحابة احمل الشهر الجاي اذا الله كتبلي . فهل لازم وقف الحبوب قبل فترة معينة ولا عادي !

لا ما ضروري توقفيها قبل فترة
وقفيا وقت بدك تحملي
تمت الإجابة بتاريخ 26/10/2017
197

انا حامل بالشهر الأول حب ادافول يوميا قالولي منيح و سبا لاني موجوعة متل وجع الطمث حابة اخد رئيك دكتورة

اعملي فحص بول وراسب واذا طبيعي خدي مثبت بيرخي الرحم المتشنج
تمت الإجابة بتاريخ 26/10/2017
198

دكتورة انا حامل ومخلصةالشهر التاسع من يومين ومن اسبوع عم شوف افرازات وردية مع صفرا ولهلا ما اجا طلق ممكن تكون هلافرازات التهابات علماً اني مقيمة بالسويد والطب عندن بيجلط ارجو الرد :(

على الاغلب هي السدادة المخاطية لعنق الرحم وقرب المخاض كتير
تمت الإجابة بتاريخ 26/10/2017
199

حب الديان هل بيساعد انو تتنظم الدورة ويعالج التكيسات المبيض والله يعطيكي العافية يارب

بيساعد بالتنظيم وارتفاع الهرمونات الذكورية
تمت الإجابة بتاريخ 26/10/2017
200

دكتورة ولدت من 20 يوم طبيعي بقدر العب رياضة او امشي ساعة كل يوم

رياضة المشي مسموحة , بس الرياضات المجهدة بعد 3 شهور من الولادة
تمت الإجابة بتاريخ 26/10/2017
201

لو سمحتي دكتورة زوجي عمل تحليل من فترة شهر كان العدد 225 مليون اليوم عمل تحليل طلع العدد 145والحركة a30%_b25%c15% نسبة الأشكال الطبيعية 50% في مشكلة أم لا؟ مع العلم أنه صار حمل من سنة وكان حمل ضعيف وأجهضت مشكورة كتير دكتورة

الاشكال الشاذة عالية
خليه يعمل ايكو للخصيتين
تمت الإجابة بتاريخ 26/10/2017
202

يعطيكي العافية دكتورة انا مركبة لولب من سنة ونص وعملي شوية خربطة بالدورة بس حاليا صرلها متأخرة عليي اسبوع وما اجت وعملت تحليل حمل طلع سلبي هاد الشي طبيعي ولا لا

اللولب ما بيعمل خربطة بالدورة اطلاقا
خربطة الدورة بتجي من الهرمونات بالجسم
افحصي صدرك او عملي تحليل هرمون الحليب
تمت الإجابة بتاريخ 26/10/2017
203

دكتورة انا حامل بالشهر التالت وعم استفرغ كتير من اي شي باكلو حتى مع الدوا شو الحل

إبرة ميتوكال مضادة للاقياء يوميا
تمت الإجابة بتاريخ 26/10/2017
204

يعطيكي العافية دكتورتنا الحلوة أنا حامل بالشهر الخامس " أول حمل " ولما عملت تحاليل بالتالت طلع معي GBS وعطتني الدكتورة أوغمنتين حب وخبرتني انو لازم ئبل الولادة آخد ابرة مضاد حيوي ، سؤالي ازا كانت الولادة مفاجئة كيف رح لحئ اخد الابرة :( يعني شو الخطر ع البيبي في حال ما أخدتا وليش ماكانت الحبوب كافية لتروح الجرثومة أو كيف فيني اتخلص منها ئبل الولادة شكراً كتير دكتورة

سؤالك هام جدا
عيدي الاوغمنتين بالشهر التاسع + تحاميل نسائية مضادة للالتهابات خاصة الجرثومية
تمت الإجابة بتاريخ 26/10/2017
205

السلام عليكم دكتورتنا الحلوة أنا كتير بحبك وبتفائل وبثق كتير بكلشي بتحكيه الله يعطيكي العافية ويجزيكي الخير عن كل يلي عم تفيديهن وتعطين من وقتك الغالي أنا بتابعك دايما ع الفيس وع اليوتيوب وبحكي للكل عنك دكتورة أنا عمري 42 سنة وتجوزت بعمر كبير وعندي هلأ بنتين حلوين الله يخليلك ولادك بنتي الكبيرة عمرها 5 والتانية 4 للأسف بنتي الكبيرة معها تضخم بالكلية من الولادة وهلأ الحمدلله هي بخير

اهلا وسهلا فيكي
للاسف السؤال وصل ناقص لانو طويل
تمت الإجابة بتاريخ 26/10/2017
206

السلام عليكم دكتورة لو سمحتي انا عايشة بهولندا حامل بالشهر الرابع صرلي من اخر الشهر التاني عم عاني من وجع كتير قوي براس معدتي وجع كل يوم عم يزيد لدرجة ماعاد قدرانة اتحمل ابدا وقت عم اكل عم يزيد الوجع وماعم اقدر حط ايدي محل الوجع وعم حس الاكل ماعم ينهضم منيح وعم ادايق كتير واللعية عم تزيد اكتر من قبل بكتير والوجع بالليل بيزيد اكتر وماعم اقدر اكل منيح ياريت تعطيني اسم شي دوا يريحني واذا

رانيدين 150 حبة مرتين يوميا قبل الطعام
تمت الإجابة بتاريخ 26/10/2017
207

السلام عليكم ....بدي اسالك دكتورة بصير ابتضة بفترة الرضاعة نظافة

طبعا بيصير
وبيصير حمل كمان
تمت الإجابة بتاريخ 26/10/2017
208

انا تزوجت عام 2005 عانيت كثيرا السبب هو التشنج وقلة الخبرة من كلينا انا وزوجي ..بعد ثلاث شهور تم الامر وحدث حمل مباشرة ...كان الحمل صعب جدا بسبب فقر الدم ومن اعراض الوحام انني لم اعد اطيق زوجي ولا الطعام ولا الشراب .قبل ولادتي بايام قام طبيبي بتمزيق غساء الرحم الذي استنكره جميع الاطباء الذين زرتهم لاحقا ..ونتيجة الالم والخوف لم ارضى حتى بالصعود الى كرسي الولادة ...وخضعت لعملية قيصرية ...الا

للاسف السؤال طويل ووصل ناقص
تمت الإجابة بتاريخ 26/10/2017
209

السلام عليكم دكتورة هل الحمل بعد ثماني سنوات من اخر ولادة قد يشكل ضرر عل الجنين وهل صحبح ان هناك ابرة بالعضل تؤخذ في الشهر السابع من الحمل لسلامة الجنين ؟

لا الحمل ليس خطر بالعكس
ولا يوجد ابرة لسلامة الجنين
هناك ابر في حال المخاض المبكر اذا حدث
تمت الإجابة بتاريخ 26/10/2017
210

يسعد مساكي دكتورتنا الغالية: عندي صبيّن وصرلي شهر عاملة حمية انجاب بنت .. صحيح الحمية الغذائية الها دور بهالشي وشو صحة الجدول الصيني لتحديد جنس المولود.. شكرا كتير الك

لا الحمية ولا الجدول الصيني لهم دور
تابعي فيديوهاتي على اليوتيوب وكذلك مقالاتي على الموقع
تمت الإجابة بتاريخ 26/10/2017
211

ارجو الرد ع الخاص وبدون ذكر الاسم لو سمحتي

أي خاص ؟؟؟
هاد موقع ومافيو خاص
تمت الإجابة بتاريخ 26/10/2017
212

يعطيكي العافية دكتورة انا دورتي كل30يوم وحابة جيب ولد بأي يوم بتنصحيني اعمل جماع لانو مابقدر راقب الاباضة عند دكتور ولابتيست الاباضة

الافضل مراقبة عند طبيب
تمت الإجابة بتاريخ 26/10/2017
213

دكتورتي يسعد مساكي انا حامل بنص شهر السابع قلي اسبوع وجع بنص ضهري عند الفقرات مو طبيعي مالي عرفانه شو اعمل

خدي سيامول + مساج بمرهم متل فولتارين
تمت الإجابة بتاريخ 26/10/2017
214

دكتورة انا دورتي 30 يوم اي يوم بكون موعد.اباضتي

16
تمت الإجابة بتاريخ 26/10/2017
215

آلطـمـث آلصـغير لطـفل‏‏ه عمـرهآ آيآمـ قليل‏‏ه هل هو خطير وهل له مضاعفات في المستقبل وهل له تاثير على النمو

سؤال هام جدا
سأجيب عنه ببوست خاص يوم الجمعة
تابعيني على الموقع او الصفحة
تمت الإجابة بتاريخ 26/10/2017
216

دكتورة انا عملت تصوير ظليل للرحم لانو في دكتورة قالتلي انو بالايكو طالع عندها انو عندي رحم ذو قرنين وطلعت نتيجة الصورة سليمة الحمدالله رجعت شفت دكتورة تانية قالتلي كمان مبين معها بالايكو انو ذو قرنين وانا صرلي سنة ماحملت معقول نتيجة الصورة الظليلة مو صحيحة....

لا
الصورة ادق بكتيررررررر من الايكو
تمت الإجابة بتاريخ 26/10/2017
217

يعطيكي العافية دكتورة ريم انا مشكلتي نفس الموضوع الي طرحتي حضرتك تشنج مهبل اللي متزوجة ٤ شهور ولحد الان مازلت عذراء مع العلم بحب زوجي وبنسجم معو بس مابعرف شو عم بصير تعبت ماخليت مخدرات ولامهدئات كلو ع الفاضي وبعد زواجي باسبوع راجعت طبيب وماستفدت اخر شي قررنا انا وزوجي نلجأ لطبيب ونعمل عملية فض الغشاء بتنمنى تنصيحيني وتساعديني او تعطيني موعد

هذه مشكلة كبيرة جسدية - نفسية
تحتاج لمعالجة سلوكية وليس لفض جراحي
تمت الإجابة بتاريخ 26/10/2017
218

دكتورة اتا عندي بنت وبدي صبي رحت عند دكتورة مشان تحددلي وقت الاباضة وضليت شي اربع ايام وهية عم تكشف عليي اخر شي قالتلي انو البويضة مانزلت من المبيض علما انو الدكتورة عطتني ابر لتنزل البويضة ومامشي الحال ممكن اعرف شو سبب واذا في حل

ضعف اباضة مؤقت على الاغلب سببه التوتر النفسي
تمت الإجابة بتاريخ 26/10/2017
219

لوسمحتي دكتوره عندي هرمون الحليب مرتفع حللت عطوني دوايين الاول اسمو دوستينكس في حبتبن والتاني اسمو بارلوديل فيني احمل وانا عم اخد الدوا وهل باثر عل حمل مع العلم انو ولدت من 9 شهور وتوفا البيبب واخدت دوا لفرط الحليب

ما بيأثر
تمت الإجابة بتاريخ 30/10/2017
220

ماهو سبب رجوع الالتهابات بعد المعالجة بالتحاميل والكريمات خلال فترة قصيرة أحيانا تكون أيام ماهو الحل للانتهاء منها وهل صحيا أن يستعمل التحاميل بشكل مستمر للعلاج منها

شاهدي فيديو الالتهابات النسائية على قناتي على اليوتيوب
تمت الإجابة بتاريخ 30/10/2017

اكتب سؤالك

الاسم:
الهاتف:
*نص السؤال: